líf mitt sem þorskur

þetta er frekar spennandi núna. næstu átta vikurnar á ég að borða þorsk fimm sinnum í viku, ásamt heilum haug af grænmeti (eins og ég er nú mikil grænmetisæta). kjöt má ég fá einu sinni í viku, og ýmislegt eða baunarétt einu sinni í viku aðra hverja viku. fyllt upp með ótakmörkuðu magni af grænmeti, en þó alltaf amk tala í hverri máltíð, og x gr kartöflur, x mikið af hinu og þessu. mögulegar aukaverkanir eru þyngdartap.

ég er semsagt að taka þátt í rannsókn um áhrif mataræðis á heilsu. fór í blóðprufur, og mælingar í morgun og þetta er dagur eitt í lífi mínu sem þorskur. skúli fær að borða mikið meira en ég. hann fær t.d. 400 gr af hafragraut á morgnana meðan ég fæ 200 gr. 150 gr kartöflur meðan ég fæ 100 gr. osvidere. er eitthvað réttlæti í þessu. minn skammtur er meira að segja svo nánasarlegur að ég á að taka vítamín með, en karlpeningurinn þarf þess ekki því þeir fá að borða meira. huh.... en sumsé eftir átta vikur verð ég örugglega komin með hreistur, sporð og ugga og langar örugglega ekki í þorsk þá.