djúpur er eitthvað það besta nammi sem hefur verið búið til. maður getur orðið þvílíkt húkkt á þessu. ég er nú samt nokkuð ánægð með það að ég keypti mér poka sunnudaginn 7. mars s.l. (ok soldið stóran poka 700 gr eða svo) en ég er bara svona rétt að byrja á honum. þetta krefst þvílíkrar sjálfstjórnunar og aga af minni hálfu. hehe ég veit að það eru margir sammála mér í þessu djúp máli, og gera sér þar af leiðandi fulla grein fyrir því hversu erfitt þetta er.


það vantar á heiminn eitt lipurt lyklaborð
og líka pinna og mús

gott cd drive góður harður diskur
án þeirra er ég hvorki fugl né fiskur
illa ég læt
ef mig vantar megabæt.

það er rétt eins og þetta hafi verið samið fyrir/um mig hehe. en fyrir þá sem ekki vita þá er það hann goggi mega sem syngur þetta. jæja þá er hann arnar sofnaður yfir henni línu langsokk. maður er alveg búin að missa töluna yfir hvað maður er búin að horfa oft á þetta barnaefni allt saman. enda kann maður megnið af þessu utanað. svona er maður nú klár. það er verst hvað þessi vitneskja kemur manni að litlum notum. svona useless information. það situr í hausnum á manni, og tekur allt plássið sem er ætlað hlutum sem maður þarf að muna. þarf annað hvort að defragmentera (heitir það það ekki annars) eða fá mér stærri disk. væri nú ekki slæmt ef það væri hægt að bæta vinnsluminnið líka. hehe uppfæra mig harpa dís 2.0

við fengum fermingarmyndirnar hans björns sævars í dag. þær eru alveg rosalega flottar. hann er svo sætur, tala nú ekki um þegar hann brosir. mér finnst bara ekkert undarlegt þó að allar stelpurnar séu skotnar í honum.

og ekki bara myndirnar heldur fékk ég loksins miðana á tónleikana í dag. loksins. ég var farin að halda að þetta hefði verið allt eitt allsherjar plat bara. nei nei. þeir komu til mín í ábyrgðarpósti. hehe ég fór nú samt svolítið illa að ráði mínu. ég fékk miða um ábyrgðarpóst í póstkassann hjá mér fyrir nokkru síðan. ég var nú ekkert að hafa áhyggjur af því, gat ekki gert mér í hugarlund hvað þetta væri nú eiginlega, og þar sem það hefur nú ekki verið í leiðinni fyrir mig að fara í nóatún í hamraborg þá var ég bara ekkert að hafa fyrir því að ná í þetta. gat ekki ímyndað mér að þetta væri eitthvað skemmtilegt. svo í gærkvöldi þá ákvað ég að fara á netið og athuga hvar miðarnir á tónleikana væru niðurkomnir, og viti menn þar stóð að það væri búið að senda mér þá. ég auðvitað bölvaði og ragnaði, ég hafði sko ekki fengið neina miða, þegar allt í einu rann upp fyrir mér ljós. það var ábyrgðarbréfið. ég var svo ekki í rónni fyrr en ég var búin að ná í þetta bréf í dag. var svo hrædd um að það væri búið að endursenda bréfið með tilheyrandi veseni. hehe en það slapp nú allt saman. næst ætla ég að drífa mig af stað ef ég fæ svona miða svo ég missi nú ábyggilega ekki af neinu.