gleðilegt ár

gleðilegt ár kæru vinir. takk fyrir allt gamalt og gott. megi nýja árið færa ykkur ómælda gleði og velgengni.

en eitt árið búið.. og hhmm hvernig væri nú að hafa svona smá annál...

janúar:
nú janúar er alltaf bara janúar... ekki satt...
sigga maja átti afmæli eins og alltaf í janúar :)

febrúar:
hhmmm ég get ekki einu sinni talið upp einhvern fjölskyldumeðlim sem á afmæli í febrúar...

mars:
árshátíðin í vinnunni var í mars. auðvitað afskaplega vel heppnuð eins og allt annað sem við tökum okkur fyrir hendur.

apríl:
birna og amma áttu afmæli í apríl að vanda.
ég gerðist svo slæm af vöðvabólgu að ég varð meira og minna ónothæf til vinnu. frekar lélegt sko. við tók fjögurra mánaða sjúkraþjálfun og minnkuð vinna til að koma mér í gang aftur... það bara heppnaðist þokkalega sko


maí:
bjössi á svo afmæli í maí

júní:
nú ég byrjaði þennan mánuð á því að verða 35 ára. geri aðrir betur.

júlí:
ég sem ætlaði ekkert að fara neitt í sumarfríinu. en það er nú ekki lengi að breytast. ég hafði samband við hana vigdísi frænku mína í brussel... pantaði mér flug til amsterdam, fór með lest yfir til brussel og var þar í viku í góðu yfirlæti. flaug svo til london og dvaldi þar nokkra daga. það var að vísu búið að sprengja allt í loft upp daginn áður en ég kom þangað, en ég lét það nú ekki á mig fá.
ágúst varð tíu ára. við héldum eitt allsherjar vina og fjölskylduafmæli fyrir báða strákana. það var voða gaman. vorum í guðmundarlundi í blíðskaparveðri.

ágúst:
hann arnar varð fimm ára
ég tók upp á því að fletta fasteignablaðinu snemma í mánuðinum... fékk hugmynd.. og viku seinna var ég búin að kaupa mér íbúð í fífulind, og búin að selja mína... svona á að gera þetta :)
ég hóf nám í tölvunarfræði í háskólanum í reykjavík. held að það verði mjög spennandi og skemmtilegt. tekur að vísu mörg mörg ár en það er allt í lagi.. ég er ekkert að flýta mér.

september:
gummi og björn sævar áttu afmæli
pakka niður og læra.

október:
ég og strákarnir mínir fluttum í fífulindina. þetta er mikill munur að vera komin með tvö svefnherbergi... mæh oh mæh

nóvember:
biggarnir áttu afmæli annar 17 og hinn 65.
fengum samþykkta alla pósterana sem við sendum inn á ecr ráðstefnuna sem haldin verður í vín í mars n.k. við erum því að fara til vínarborgar á ráðstefnu... úúú bara gaman sko.
héldum röntgenhátíð.. í tilefni þess að 8. nóv voru 110 ár liðin frá því að WKR fann upp röntgengeislann... að sjálfsögðu bara tóm lukka með það.
okkur ásmundi var gert að mæta fyrir dómstóla vegna galla í haukalind sem við seldum fyrir tveimur árum síðan. ég hafði samband við gamlan vin sem vill svo skemmtilega til að er lögmaður í dag... og hann bara reddaði málunum fyrir mig af sinni alkunnu snilld.
ég tók tvö próf. annað þeirra gekk þokkalega... við skulum ekkert tala um hitt hvernig það gekk :( en ég er búin að skrá mig í þann áfanga aftur svo það verður bara hið besta mál.
í endaðan nóvember þurfti að segja upp nálægt helmingnum af starfsfólki hjartaverndar og var því mikil sorg í vinnunni.

desember:
ég pakkaði niður og skrapp til minneapolis í nokkra daga. veiktist að sjálfsögðu á leiðinni út og var veik allan tímann, en visakortinu mínu leiddist ekkert... (ég er buin að fá reikninginn omg).
munda systir varð fertug og notuðu þau skötuhjúin tækifærið og hóuðu í prest og létu gefa sig saman í heilagt hjónaband eftir 22 ára sambúði. þetta kvöld var hin besta skemmtun...
jólin og allt sem þeim fylgja. þessi jól heppnuðust bara með mestu ágætum.. arnar kallaði þetta star wars jól hehehe.. kannski af því að mamman missti sig aðeins í usa :| æj maður lifir bara einu sinni.. allavega þessu lífi :)
svo kom upp hugmynd... sem enn er ekki komin botn í svo ég get ekki sagt frá henni hér og nú... nánar um það á fyrstu dögum janúarmánaðar...
í fyrsta skipti þessi sex áramót sem hann arnar minn hefur verið til... að hann nær að vaka framyfir miðnætti. það var rosa gaman hjá okkur við að sprengja... ég reykti tvo vindla... en fer fram á að mér verði skaffaðir betri vindlar fyrir næstu törn.. úff þetta var skelfing vont... en hvað gerir maður ekki til að gleðja börnin ;)

jæja... svona var árið í grófum dráttum... :P kannski ég hafi gleymt einhverju... en ég held þó ekki....