skólinn
ég held í alvöru að þetta verkefni verði aldrei aldrei aldrei búið. það er allt til að tefja mig. ég var búin að gera samning við hana mömmu um að fá að hafa bílinn hennar þrjá morgna í viku aðra hverja viku (ok semsagt þá daga sem ég á að fara í skólann og er með strákana) svo ég keyrði hana heim um sex leytið. nema hvað að það má ekki fara með arnar í bíl svona seint á daginn. hann sofnar alltaf. svo vaknaði hann auðvitað kl tuttuguogeitt svo hress og kátur. vildi bara fá sítrónuna sína og fara fram. arrrgghh. þá var ég sem sagt að hamast á tölvunni við að reyna að leggja lokahönd á verkefnið, var að láta ágúst læra heima, gormur henti um koll fjórum meterslöngum hillum sem stóðu upp á endann hjá mér því ég mátti ekki vera að því að bora draslið upp á vegg. og´rétt áður hafði bryndís hringt í mig svona bara til að athuga hvernig gengi. úffff það er eins gott að maður eigi ekki marga svona daga. maður færi létt með að klára þessa taug sem lafir ennþá inni. en án gríns nú skilum við þessu bara svona. skítt með það ég nenni þessu ekki.........

annað
en nú er ég semsagt búin að svæfa arnar aftur. búin að syngja mig hása, kláraði öll lögin sem ég kann held ég, og trúið mér þau eru þó nokkur. var meira að segja búin með nokkur tvisvar sinnum, og tók nokkur sem ég kunni ekki :) góð upphitun fyrir kóræfinguna annað kvöld. svo er hann svona nautanseggur eins og mamma sín. það eru ekki margir blettir á honum sem ég þurfti ekki að strjúka svo hann gæti sofnað. mér var allt í einu að detta íhug hvort að ég hafi kannski bara verið að halda fyrir honum vöku með þessu góli. það skildi þó aldrei vera.


semsagt nú fer lífið að færast í eðlilegt horf er það ekki. prógrammið verður svona misstíft svo ekki sé meira sagt. á morgun er það skóli, vinna (skila bílnum) ná í arnar, láta ágúst læra,borða, nálgast bílinn aftur, kóræfing. manni leiðist ekki á meðan. svo þarf ég að fara að festa þessa skápa upp á vegg sem ég var að kaupa áður en gormur verður búin að rústa öllu fyrir mér.

já anna ég held að það sé alveg óhætt að mæla með kassanum. líka ef það er eitthvað sem maður ekki á, en einhver annar er að losa sig við. hehe fólk virðist nota þetta nokkuð. það hringdi meira að segja einn í mig í morgun sem vildi skoða billjardborðið. mér dettur svo sem ekkert meira í hug til að selja í biliþeas ekkert sem passar í svona sölu. ég er aftur á móti að spá í hvort ég eigi ekki að leigja mér bás í kolaportinu einhvern tíman. hvernig væri að fara bara nokkrar saman og skemmta sér við að pranga dótinu sínu inn á annað fólk. gæti verið gaman ef maður er ekki einn. gætum eignast einn eða tvo þúsund kalla í staðinn, og farið út að borða í lundúnum hehehehe. mér finnst þetta nú bara góð hugmynd þó ég segi sjálf frá. :)

stjörnuspá
Þú býrð yfir mikilli sköpunarþörf og þarft án efa að finna útrásarleið fyrir þann hæfileika með einhverjum hætti. Opnaðu hjarta þitt, minnkaðu væntingar þínar og framkvæmdu áhugamál þín. Hér hefst annatími hjá stjörnu þinni sem færir þér mjög mikla gleði.

annatími núúú þetta er nú ekki í fyrsta skiptið á þessu ári sem þeir segja þetta. ég fer nú bara að halda að það verði eitthvað að gera hjá mér. sköpunarþörf og útrás það er auðvitað kórinn. áhugamál nú, skólinn og kórinn. hafið þið tekið eftir að þetta eru allt saman karlkynsorð hjá mér. ætli mig vanti mann ?