mikið lifandi skelfing er ég búin að vera dugleg þessa helgi. í gær mætti mamma hérna með alls kyns kjöttutlur sem hún fann í frystinum sínum og við gerðum kæfu, drengjunum mínum til mikillar gleði. loksins fékk ég tækifæri til að nota þessa fínu hakkavél sem ég (við ásm) fengum gefins fyrir.......látum okkur nú sjá ætli það séu ekki átta árum. alla vega bjuggum við í sjávargrundinni á þessum tíma (er ekki búin að flytja nema fimm sinnum síðan þá). nema hvað að þetta var svo gaman að ég tók haug af ýsu út úr frystinum og svo gerðum við fiskibollur í dag, við ekki minni ánægju minna manna. þeir fóru svo til pabba síns núna áðan með fiskibollur og kæfu í farteskinu. svo núna get ég með góðri samvisku lagst með tærnar upp í loft næstu vikuna eða svo.

strákarnir kvöddu svo gorminn með virktum þegar þeir fóru, hann var knúsaður og kysstur í bak og fyrir, sannfærðir um það að nú færi hann á heimili þar sem hann gæti fengið að leika sér líka úti. snökkt