tæknileg mistök

sko... það er nú margt sem ég ekki skil, en eitt af því sem ber hæst í þessu skilningsleysi mínu þessa dagana er... hvernig í andsk stendur á því að fólk vill fá árna johnsen aftur á þing. hvað er eiginlega að....

fréttablaðið segir: sjálfstæðismenn virðast treysta honum til góðra verka... nýtur fyllsta trausts flokksforystunnar.. ég segi: þó svo að einhverjir 3134 aðilar í suðurkjördæmi hafi kosið hann, þá tel ég það ekki vera traustsyfirlýsingu frá þorra sjálfstæðismanna.

ég heyrði viðtal við manninn í útvarpinu í morgun þar sem hann kallar þjófnaðinn og mútuþægnina TÆKNILEG MISTÖK og engin skaði hlaust af (kannski ekki orðrétt en það var innihaldið í setningunni) WTF... í hverju voru mistökin fólgin.. að það skyldi komast upp um hann... eða að hann skyldi verða dæmdur.... svo vogar hann sér að fara að blanda því inn í að hann einn hafi verið svo óheppinn að verða dæmdur fyrir þetta. hinir aðilarnir hafi nú bara sloppið... það hafi nú verið gott að þetta lenti á breiðu baki.. hvað í andskotanum kemur það málinu við... og þar fyrir utan þá lenti þetta ekkert á einum eða neinum. hann vann alveg fyrir þessu sjálfur. en nei, þarna sér hann kjörið tækifæri til að koma því á framfæri hvað hann er nú góður og æðislegur og með breitt bak. og það versta er að einhverjir bíta á agnið.

ég er ekki að segja að ef að fólk hafi brotið af sér, þá eigi það sér ekki viðreisnar von, eða megi aldrei líta glaðan dag aftur. alls ekki. nú er þessi tiltekni maður búin að afplána sinn dóm, (og meira að segja búin að fá vini sína í sjálfstæðisflokknum til að skrifa undir plagg þess efnis að hann sé nú ekki svo slæmur) og þá á hann bara að fara og fá sér einhverja góða vinnu þar sem hann getur látið sig dreyma um einhver fjárans göng til vestmannaeyja og kartöflugarða í þykkvabænum eða hvað það nú er sem honum dettur nú í hug.... en hann á að sjá sóma sinn í því að láta alþingi í friði.

ég hef hingað til kosið sjálfstæðisflokkinn því ég hef verið svona þokkalega sátt með þetta svona að meðaltali allavega, og hingað til hefur, að mínu mati, ekki verið neitt skárra í boði. en fjandinn hafi það að ég fari að kjósa dæmda glæpamenn á alþingi... hvort sem viðkomandi er að bjóða sig fram í mínu kjördæmi eða einhverju öðru finnst mér ekki skipta máli, því það er jú heildarstuðningurinn sem mestu máli skiptir.

mín skoðun er sú að sjálfstæðisflokkurinn hafi gert upp á bak í þetta skiptið, og ég veit um fleiri en eitt og fleiri en tvö atkvæði sem þeir koma ekki til með að fá í næstu kosningum, bara út af því að árni johnsen hefur snúið aftur. og þá eru góð ráð dýr.. hvurn grefilinn á maður að kjósa... ekki verður það ingibjörg sólrún svo mikið er víst...

(biðst forláts á bölvinu en þar er eingöngu til að undirstrika hvað ég er pirruð út í árna johnsen, fólkið sem kaus hann og sjálfstæðiflokkinn fyrir að styðja hann)