.comment-link {margin-left:.6em;}

í dagsins önn...........

hugleiðingar mínar

föstudagur, júlí 20, 2007

Fyrir 12 árum.....

lá ég upp í rúmi og beið spennt eftir að verða keyrð upp á skurðstofu svo ég fengi að sjá frumburðinn sem var búin að dunda sér við að naga á mér rifbeinin undanfarna mánuði. kl 8.57 var hann svo opinberlega komin í heiminn og auðvitað fallegasta barnið sem til er. ég fékk auðvitað ekki að sjá hann neitt að viti fyrr en nokkrum klst seinna, þegar búið var að sauma mig saman og ég komin af vöknun, rétt fékk að sjá pínulitla andlitið þar sem búið var að pakka honum inn.

ýmislegt hefur breyst síðan. hann er orðin stærri en ég, löngu farin að nota stærri skó en mamma sín, hefur auðvitað sinn sjálfstæða vilja, ekki alveg eins háður mömmu sinni en þó samt aðeins.... en eitt hefur ekki breyst... engin á betri og fallegri og duglegri og yndislegri strák en ég.

til hamingju með afmælið elsku ágústinn minn. þú ert bestur og flottastur.

fimmtudagur, júlí 19, 2007

sorgmædd fjölskylda

það ríkir sorg á heimilinu. okkur langar svo að fá okkur hund en það er ein manneskja í stigaganginum sem ekki vill leyfa okkur það. gærkvöldið var því mjög erfitt, mörg tár sem féllu, enda rigning í dag í stíl við það.