Ég ætlaði bara rétt að láta vita af mér áður en ég fer í óvissuferðina. Ef ske kynni að ég yrði svona þunn eins og síðast að ég geti ekki skrifað í marga daga. Glætan.


Ég vil þakka Hauki fyrir góðar ábendingar. Ég á eflaust eftir að notfæra mér þetta seinna og dreifa þessum ágætu fréttum víðar. Annars segi ég bara Gúd Lökk til ykkar skötuhjúa. Við verðum með hugann hjá ykkur, til að styðja ykkur og styrkja í þeirri von að útkoman verði barn. Je minn mig vantaði svo fleiri setningar, en hugurinn er kominn hálfa leið út á lífið svo þetta verður að duga.

Só gúd bæ í bili

PLÍÍÍÍÍÍÍSSSS.

skrifið mér eitthvað. Vitið þið ekki hvað mér leiðist mikið. Þeir sem ekki vilja þekkjast geta skrifað undir dulnefni. Það káfar ekkert upp á mig. Þá get ég í það minnsta dundað mér við að giska á hver það er.

Elsku Anna og Haukur. Nú líður að sprautunni miklu. Þá er bara að byrja að blanda draslið og gluða því á sinn stað. Drífið þið ykkur svo í að búa til barn. Nú verður fjör. Verst að þeir eru hættir með stellingu dagsins í fréttablaðinu

Vá rosalega hefur maður e-ð lítið að gera. Hugmyndaflugið er ekki mikið. En ég er alveg búin að sjá það að kjöltutölvur eru mikið þarfaþing. Maður er svo frjáls, getur farið hvert sem er hvar sem er hvenær sem er, í hvaða stellingu sem er. hmmmmm. Talandi um stellingar. Ég hafði bara gaman af þessum auglýsingum í fréttablaðinu um stellingu dagsins. Ég er greinilega með e-ð undarlegan húmor (kemur mér mjög á óvart, ég veit ekki um ykkur hin) því þetta fór óskaplega fyrir brjóstið á fólki, og mér skilst að það sé búið að afskrifa þær núna. Ég meina það. Upp með húmorinn. Ég er viss um að það er fullt af fólki sem veitti ekki af svona leiðsögn með morgunkaffinu. Getur látið sig hlakka til allan daginn í vinnunni og látið eftir sér að vera með smá dagdrauma. Hleypum smá fjöri í þetta.

ég fer í fríið
ég fer í fríið
ég fer í fríið

(með sínu lagi)

Við eigum hvor annan að
eins og skepti og blað
í lífsins skúraveðri.......

Því ekkert jafnast á við það
að eiga góðan vin í stað
að standa tveir í hverri raun
eru vináttu laun
(búin að horfa of mikið á teiknimyndir)


Ég þakka hlýjar hugsanir. Ég á eflaust eftir að notfæra mér þetta góða boð (þetta með slagsmálin) systir mín góð. Það vantar ekki almennileg heitin. Passa þú bara að læsa þig ekki úti T'i hí hí. Ég er nú ekki síður fyndin en A.Kr. svona á föstudegi. Ég var að koma af áttundu hæðinni. Þar var búið að grilla og svona huggulegt. Vantaði bara rauðvínið. hm hm maður þarf nú að hita upp fyrir morgundaginn. Annars er ég búin að setja mér það markmið að vera ógeðslega dugleg í að hlaupa og borða skynsamlega næstu vikurnar. Ætli það dugi nokkuð nema 2-3 vikur, en maður verður að horfa á björtu hliðarnar.

Ég er að bíða eftir símtali frá lækninum hans pabba. Ég er ekki að skilja af hverju maður getur ekki viðurkennt að maður sé veikur og verið bara heima hjá sér meðan manni er að batna. Getur einhver frætt mig á þessu. Það er svo sem búið að hringja í mig í morgun en ég skellti á því ég gat ekki talað þá.

Nú er fólk farið að senda mér hornauga af því að ég er bara að leika mér í vinnunni. Ég meina komm on. Þetta er lífsnauðsynlegt að koma hugsunum sínum á blað, svo að fólk um víða veröld geti lesið um mig. Hvernig á fólk annars að vita að maður er til. Ég bara spyr.

Back to work

Nú líður mér vel. Allir á sínum stað og allt í gúdí. Ég er að vísu mjög þreytt eftir svefnleysið í fyrrinótt en það reddast. Þetta er síðasti dagurinn fyrir vikufrí svo þetta er allt á réttri leið. Fyllerí og fjör á morgun. úps ég þarf að vinna held áfram á eftir

Já meinvill, ég er að vinna upp tapaða daga. Það er e.t.v. það sem er að halda fyrir mér vöku, áhyggjurnar yfir því að þið hafið ekkert að lesa þegar þið farið á netið. Tí hí hí.

Annars var ég nú líka dugleg og setti gestabókina upp fyrir hana Birnu svo þið getið skrifað henni líka. Það er ekki hægt að geta ekki komið með illkvittnislegar athugasemdir hjá henni líka. :) Verst að Birna kemst svo sjaldan í tölvu svo ég verð bara að sjá um að skrifa á hennar síðu líka. Henni var nær að segja mér lykilorðið sitt.

Ég er að fara í aðra óvissuferð um helgina. Nú með saumaklúbbnum (menntaskóla). Eins og gefur að skilja þá veit ég ekki hvert skal halda, en þetta verður ábyggilega voða gaman. Ásmundur nennir ekki með (allir voða hissa) og viðhaldið ekki heldur svo ég verð bara að fara ein með öllum hjónunum. En skítt með það ég drekk þá bara þeim mun meira. Annars var ég skratti þunn eftir síðustu ferð svo ég veit ekki hvað ég geri í þeim efnum. Þetta gæti endað með ósköpum, detta í það svona helgi eftir helgi

Nú er klukkan að nálgast átta um kvöld og ég er ekki enn farin að sofa (frá því kl 3 í nótt). Ég skil þetta ekki. Ég er svo upprifin og spennt öll að ég næ mér ekki niður. Eigið þið ekki góð ráð fyrir mig. Ásmundur kom ekki með tölvuna heim í dag, svo ég verð nú ekki að leika mér á netinu í nótt ef ég verð aftur andvaka. Þá er bara að draga fram góðan slökunardisk og loka augunum meðan ég hlusta á hann.

Annars fór ég og skráði mig í Læknadeild Háskóla Íslands í dag. Nú er stefnan sett á meistaranámið. Ég er búin að skrá mig í 2 kúrsa (fallegt orð) á haustönn og einn á vorönn. Semsagt Anna Kristín, nú förum við saman í skóla í haust. Jibbí jei.

Án gríns þá hlakka ég mjög til. Mér finnst alltaf gaman að læra eitthvað nýtt.

ég gefst upp. ég var að reyna að stilla klukkuna, en Það gengur ekki, þetta er það sem ég komst næst hún er í raun 1/2 6

en núna

bara að athuga hvort breytingarnar eru að skila sér

Við Lilja erum búnar að skemmta okkur konunglega í vinnunni undanfarna daga. Eins og fram hefur komið var Hollendingur í heimsókn hjá okkur, og var hann að reyna að uppfæra okkur. Þ.e. hvernig við gætum náð betri myndum o.s.frv. Við erum búnar að láta eins og fífl á meðan. Lilja sagði honum meðal annars að mér gengi þetta svo brösuglega vegna þess að ég væri með of stór brjóst og of stutta handleggi. Ég gæti ekki krosslagt hendurnar fyrir framan mig. Kannast einhver annars við þetta vandamál. En ég gat soldið sem þau gátu ekki. Ligga ligga lá. Ég gat krækt höndunum fyrir aftan bak. Hahh.

Við erum svoleiðis búnar að skjóta hvor á aðra síðustu daga, alls kyns athugasemdum, og flissum svo eins og fífl. Þetta er búið að vera hin mesta skemmtun ( alla vega fyrir okkur). Eymingja Rudy (þ.e. Hollendingurinn) vissi ekki alveg hvernig hann átti að höndla þetta til að byrja með, en hann var nú alveg að ná okkur svona í restina. Hann hafði líka orð á því þegar hann fór hvað það væri gott þegar fólk næði svona vel saman eins og við gerum.

MEÐAN LAUFIN SOFA LIGGJA SPAÐARNIR ANDVAKA

Ég er búin að vakna kl 3 núna tvær nætur í röð. Ligg bara upp í rúmi og get ekki sofnað. Hvað er þá betra en að setjast við tölvuna. Ég gleymdi að vísu gleraugunum niðri þannig að þetta gengur hálfbrösuglega hjá mér, en skítt með það, það er ekki eins og ég sé að flýta mér.

Hvað er það sem heldur fyrir manni vöku svona nótt eftir nótt. Er maður ef til vill að hugsa of mikið. That would be the day. Eru vandamál í vinnunni´Æ´*Þ:;LPO_ÖÐ_Ð? (ég ætlaði aldrei að finna spurningamerkið) Eru vandamál heima ? Eða er maður e.t.v. bara búin að sofa nóg. Komm on 3 tímar þá er maður rétt farin að dotta þannig að það getur nú ekki verið. Hvað sem það nú er þá er ég alla vega glaðvakandi og til í slaginn. Mig vantar bara einhvern til að slást við.

Frelsið er yndislegt ég geri það sem ég vil....
skyldi maður verða leiður á því til lengdar að vera til.

Finnst ykkur lífið ekki undarlegt. Fullt af fólki eignast haug af börnum, án þess að vilja þau eða geta séð um þau. Á meðan eru aðrir að rembast eins og rjúpan (með tilheyrandi kostnaði og hormónagjöfum) til að geta eignast bara eitt. Sumir finna maka og eru hamingjusamir með það, aðrir finna engan, enn aðrir finna marga. Þetta er allt svo undarlegt finnst ykkur það ekki. En ég er ein af þessum heppnu. Kall, börn, góð vinna, fínt hús (eða það verður það einhvern tíman). Hvað er hægt að hafa það betra.


Guð hvað maður er orðin háfleygur. Ég vissi ekki að ég hefði þetta í mér.

Púl púl púl. Hún móðir mín blessunin hringdi í mig í vinnuna rétt fyrir kl 4. Alveg snar yfir því að hún hefði ekki náð sambandi við mig 2 mín fyrr. (komm on ég var að vinna). Nema hvað að hún var að fá taugaáfall vikunnar yfir því að það var komin grafa fyrir utan hjá mér, og hún ein heima. Nú ég dreif mig heim áður en kellingin færi í hjartastopp. Jú viti menn, þarna var komin þessi líka fína grafa og vörubíll fullur af sandi á leiðinni. Ég sem sagt hafði talað við pabba á sunnudagskvöld, um hvort hann gæti reddað gröfu og sandi í planið hjá mér. Og viti menn. Pabbi er nú ekki þekktur fyrir að vera neitt að tvínóna við hlutina, þannig að öllum að óvörum þá birtust þeir sem sagt hjá mér í dag.

Ég hringdi í Ásmund og þá var hann rétt að koma til Keflavíkur til að fara á fund. OK sem sagt ekkert gagn af honum. Þá er bara að fara heim og bretta upp ermarnar. Ég held að kallinum hafi nú ekkert litist á þegar ég kom askvaðandi að gröfunni í fínu hvítu buxunum mínum, hvítum jakka og með lakkaðar neglur. (þið vitið hvað maður er nú alltaf vel til hafður). Svo náði maður sér bara í malarskóflu og byrjaði að moka frá húsinu meðan gröfumaðurinn skóf af planinu. Ásmundur hringdi að sjálfsögðu reglulega til að gá hvernig gengi. Um það leiti sem ég sagði honum að þetta færi að verða búið þá sagði hann: " Æ Æ ég sem er að fara að leggja af stað heim." Æ æ mæ es. Og það passaði, rétt þegar hann var að renna í hlað þá var gröfumaðurinn að fara. Ég sit svo uppi með blöðrur í lófum, verk í baki, og einhverjar undarlegar harðsperrur í lærunum. Hvaðan ætli þær komi nú.

En málið er að mér finnst allt svona svo afspyrnu skemmtilegt. Nú er bara að bíða eftir píparanum til að leggja hita í planið. Hann kemur ekki fyrr en á þriðjudaginn, en hver er svo sem að flýta sér.

Ég þoli þetta ekki. Ég var búin að skrifa þessi reiðinnar býsn, en ýtti svo á rangan hnapp þannig að ég týndi því öllu. AAArrrggggghhhhh.

Þessi törn er semsagt búin. Við erum búin að vera með heilan haug af útlendingum á deildinni hjá okkur. Allra þjóða kvikindi. Einn þeirra kom sérstaklega til að hitta okkur Lilju og kenna okkur meira í sambandi við hálsæðar. Eins og við kunnum þetta ekki allt saman :))) Þetta er mjög gaman að hafa svona mikið af fólki. Við erum með fólk frá USA, einn er Grikki, Annar Hollendingur, Þriðji Spánverji / Hollendingur. Og svo má lengi telja. Svo eru allir að tala í einu hver með sínu nefi. Kúl. Annars er þetta mjög fróðlegt allt saman. Nú er ég að vinna yfirvinnu aldrei slíku vant. Maður græðir á þessu líka.