.comment-link {margin-left:.6em;}

í dagsins önn...........

hugleiðingar mínar

fimmtudagur, maí 06, 2004

þar sem meinvill segir á sinni síðu frá konukvöldi sem hún fór á (útsala í debenhams), þá verð ég að segja frá karla morgni sem ég tók óvart þátt í, í gær. þannig er mál með vexti að ég var að verða bensínlaus, á leiðinni í vinnuna, og þorði ekki öðru en að koma við í selllect í smáranum, og ná mér í nokkra dropa, þó ég myndi koma of seint í vinnu fyrir vikið (hefði nú komið enn seinna ef ég hefði orðið bensínlaus svo........) en hvað um það, þar sem ég var búin að dæla bensíni á eðalvagninn minn, þá stormaði ég inn til að borga, og vippaði mér (eða ætlaði það í það minnsta) að afgreiðsluborðinu til að borga, en viti menn. það var þvílíkur aragrúi af karlmönnum þarna inni. og hvað voru þeir allir að gera á miðvikudagsmorgni kl átta. jú mikið rétt, þeir voru allir sem einn (ok kannski ekki alveg allir en mjög margir) að kaupa sér pylsu, sem er auðvitað mjög staðgóður morgunverður ekki satt. þetta kom gjörsamlega flatt upp á mig. var heillengi í röð til að fá að borga bensínið mitt, út af öllum þessum pylsuköllum. spurning hvort það hafi verið einhver almennilegur einhleypur karl þarna. ég ætti kannski að fara að stunda staðinn á morgnana. hehehe

þriðjudagur, maí 04, 2004

mér finnst að barnapíur eigi ekki að þurfa að fara í próf. þvílík vandræði. og það hefur aldrei verið meira að gera hjá mér. annars var ég nokkuð klók. hringdi í mömmu og bauð henni í mat, en ég á enga almennilega pönnu þannig að hún þurfti að hafa hana með sér, og fyrst hún var nú komin þá væri nú best að hún eldaði fyrst hún kynni á pönnuna (hehe með betri afsökunum sem ég hef fundið). nú og svo þegar búið var að elda og borða, þá auðvitað þurfti að ganga frá svo hún gæti haft pönnuna með sér heim aftur. hehe og svo fór ég á kóræfingu. þarf að finna mér eitthvað annað á fimmtudaginn, svo ég komist á kóræfinguna þá. hehehe