.comment-link {margin-left:.6em;}

í dagsins önn...........

hugleiðingar mínar

föstudagur, ágúst 05, 2005

OMG ég fékk það!!!!! :D :D :D

úúú ég er svoooo spennt yfir þessu öllu. er svona nokkurn vegin búin að jafna mig eftir drápstilraun móður minnar í gær, en það er svo margt sem heldur mér spenntri. t.d. skólinn. hann byrjar á mánudaginn og ég hreinlega get ekki beðið. að vísu byrjar vinnan lika á mánudaginn, en tilhlökkunin yfir því að vera að fara í skólann er "oohh fríið er að verða búið" tilfinningunni yfirsterkari :)

fimmtudagur, ágúst 04, 2005

mamma reyndi að drepa mig í dag. og það í kirkjugarðinum í fossvogi. þannig er mál með vexti að ég er nú búin að vera að bralla eitt og annað þessa vikuna, og ég þurfti að eiga orð við hana ömmu mína. ég fór því með mömmu með mér í kirkjugarðinn, og þar sem við stoppuðum við leiðin, þá skömmuðumst við okkar niður í hæla, rukum í burtu aftur, fórum í blómaval, þar sem við keyptum blóm, mold, og klippur og fórum að snurfusa aðeins hjá gamla fólkinu. við vorum í miklum ham. klipptum niður rósina á milli þeirra, rættum gras, mosa og illgresi, og slóum ekki slöku við. skiptum meira að segja liði, ég var fyrir framan legsteinana, meðan hún var á bakvið. ég var í miklum, þungum þönkum við reita illgresi hjá katli, þegar það kemur hendi að því er virðist upp úr moldinni við hliðina á legsteininum. ég gargaði upp. ég fölnaði, svitnaði, fékk svima, ógleði, hjartsláttartruflanir, sjóntruflanir og höfuðverk svo fátt eitt sé nefnt. hafði þá ekki kellingin, lagst á bak við steinana, hún var svo áköf í illgresinu, og teygði sig meðfram steininum til að reita eitthvað gras eða hvað það nú var. ég vissi ekki betur en að hún væri fyrir aftan steininn hjá ömmu :S allavega var kellingin nærri búin að ganga frá mér. ég var óratíma að ná mér niður aftur. endaði með að leggjast bara við hliðina á ömmu meðan ég var að jafna mig. mamma auðvitað hló eins og vitleysingur. eins gott að það var ekki jarðaför þarna í nágrenninu þar sem við veltumst um leiðin, í hláturskasti eins og þau gerast verst. og þeir sem til okkar þekkja vita að þau geta verið ansi slæm þessi köst okkar. það ætla ég að vona að ég fái þessa svaðilför vel launaða og fái jákvæð viðbrögð við því sem ég er að bralla þessa dagana. guð veit að ég vann sko fyrir þvi í dag. og fyrst mamma gat ekki drepið mig þá hlýtur þetta að ganga upp.

miðvikudagur, ágúst 03, 2005

mig langar svoooooooooooo

þriðjudagur, ágúst 02, 2005

ég vaknaði eitthvað öfugt í morgun. og ég held það sé allt rebekku að kenna. og hvernig fæ ég það út, gæti einhver spurt.... jú þannig er mál með vexti að ég var búin að lofa að keyra afa upp á reykjalund í morgun. svo upp úr eitt í nótt þegar ég ætlaði að fara að tygja mig til rúms, þá fann ég ekki símann minn til að stilla vekjarann. vonaði bara að hann væri út í bíl, en nennti auðvitað ekki fyrir mitt litla líf að fara niður um miðja nótt til að gá. ég var svo heppin að birna var á msn, og þar sem hún er nú mikill verkamaður og þarf að mæta í vinnu kl átta á morgnana þá bað ég hana að hringja í mig hálf átta, og játti hún því. nú lagðist ég til svefns. eitthvað var svefninn nú órólegur, og gæti ég helst trúað því að ástæðan væri rakin til þess að ég var hrædd um að frænka mín elskuleg myndi gleyma að hringja í mig. þegar líður á morguninn vakna ég svo við símhringingu, og viti menn, ég ruddist á fætur, hljóp sem leið lá úr rúminu mínu í stofuna, eldhúsið, ganginn, og rétt náði beygjunni inn í herbergið til að svara í símann, og þar var enginn. núhh hugsaði ég... þetta var skrítið, lötraði inn í eldhúsið og sá þá að klukkan var ekki nema 6 30... ég var auðvitað sannfærð um að ég væri bara svona klikkuð að mig hefði dreymt símhringinguna. skreið aftur upp í rúm og dottaði þar til síminn hringdi hálf átta, og birna spurði sakleysis röddu... ertu vöknuð???? það var ekki fyrr en núna seinni part dags að hún kom aftur á msn og spurði: vaknaðir þú nokkuð þegar ég hringdi klukkutíma of snemma í þig í morgun??

en sem sagt. dagurinn hefur allur verið eitthvað skrýtinn. ég tók blaðið úr póstkassanum þegar ég var búin í sjúkraþjálfun, og fór með það upp. settist við tölvuna mína og las blaðið á prenti, og auðvitað mbl.is um leið hehe... maður er nú einu sinni svo mikill fréttafíkill eða þannig. en það sem ég er að reyna að koma frá mér hérna er sem sagt fasteignablaðið varð á vegi mínum. og viti menn, áður en ég vissi af var ég búin að hringja í margar fasteignasölur og biðja um símanúmer hjá hinu og þessu fólki og áður en dagurinn var allur var ég búin að fara og skoða tvær íbúðir og hringja í eina konu í viðbót sem gat ekki tekið á móti mér fyrr en á morgun. á maður eitthvað bágt. ég bara spyr....

mánudagur, ágúst 01, 2005

hann á afmæli í dag.. hann á afmæli í dag.. hann á afmæli hann arnar... hann á afmæli í dag... hipp hipp húrreyeyeyeyeye

sunnudagur, júlí 31, 2005

þá er maður komin heim aftur. helgin var hin fínasta bara. ekkert hægt að setja út á veðrið. maður gat að vísu ekki verið eins fáklæddur og á síðustu helgi, en maður getur nú ekki fengið allt. reyndar erum við arnar bara tvö ein, því hann ágúst minn varð eftir í sveitinni og ætlar að koma heim á morgun bara.

mamma.... ekki ýta á neinn takka ok... mátt ekki ýta á neinn!!!! hann var orðin frekar óþolinmóður út í þessa tregu mömmu sem gat ekki rassgat í star wars lego tölvuleiknum sem við vorum í. svo tók hann fjarstýringuna og spýttist áfram í gegnum leikinn, hehehe. veistu... þetta er geðveikt erfitt borð sko.....