.comment-link {margin-left:.6em;}

í dagsins önn...........

hugleiðingar mínar

laugardagur, maí 31, 2003

Nú er ég að kenna henni Birnu hvernig á að búa til blogg síðu

Það er engin smá rigning úti. Ég sem var loksins tilbúin til að taka upp pensilinn og bera á pallinn. not. það er einhvern vegin þannig að framkvæmdagleðin er alveg að fara með mann. Það vantar ekki verkefnin, en svo gerist bara ekkert. En þar sem þetta er síðasti dagurinn sem ég er 32 ára þá ætla ég ekki að vera með neitt væl. Ég er sannfærð um það að vikuna fyrir og eftir afmælisdaginn þá eigi maður bara að sitja og leika sér, og njóta þess að vera 32 ára og svo að njóta þess að vera 33 ára. Nú er hann Ágúst að fara á General prufu í fimleikunum. Það er vorsýning á morgun hjá honum. Það verður nú gaman að fylgjast með því.

föstudagur, maí 30, 2003

Ok ok. Ég veit það. Meira að segja Meinvill kom í heimsókn til mín í gær til að gera athugasemdir við leti mína. En hvað get ég að því gert þó það sé svona mikið að gera hjá mér. Maður þarf nú að fara á fyllerí og ýmislegt. Við fórum sem sagt í óvissuferðina á miðvikudaginn. Þetta var bara fínt. Það var farið austur fyrir fjall, á draugaslóðir. Fólk hafði nú mismunadni mikinn áhuga á þessum blessuðum draugum, en meiri áhuga á brennivíns snafsinum sem boðið var upp á. Við komum svo við á Básnum og fengum lamb. Helltum svo í okkur smá vökva.Þegar við vorum komin á bæinn þá voru nú ekki allir tilbúnir til að fara heim, þannig að við fórum heim til Róberts. Það er alveg nauðsynlegt að hafa piparsvein í eigin íbúð í svona ferðum. Ég var svo komin heim um tvö a.m. Só far só gúd

Þá erum við komin að næsta degi. Hhann var ekki alveg eins skemmtilegur. Ég var svolítið mikið þunn. Það rjátlaðist þó af mér þegar leið á daginn. Ég skil þó ekki hvernig fólk nennir að vera þunnt aftur og aftur. Ég bara get þetta ekki.

Í dag var ég svo á Nordica hótel í dag í boði A Karlssonar. Þar var námskeið um ómtækið sem við erum með í vinnunni. Þarna sat ég og át og át. Því líkt og annað eins. Annars var þetta bara hið besta mál.

Annars finnast mér þessar vikur sem vantar einn vinnudag í, alveg meiriháttar. Næsta vika er að vísu heil, en ég verð nú orðin árinu eldri þegar hún byrjar svo ég hlít að hafa það af.

miðvikudagur, maí 28, 2003

Ég veit´að ég hef ekki sest við skriftir nú í all langan tíma, en það er einhver skortur á hugmyndaflugi í gangi hér. Nú er stefnan tekin á óvissuferð á eftir. Búið að undirbúa allt saman, og allir í góðum fíling. Ég ætla nú ekki að skrifa hér og nú hvert skal halda, því maður veit aldrei hver les yfir axlirnar á manni. Þið fáið því enga sögu fyrr en í fyrsta lagi á morgun, þar sem stefnan er ekki tekin heim fyrr en um miðnætti. En þetta verður mikið fjör.