.comment-link {margin-left:.6em;}

í dagsins önn...........

hugleiðingar mínar

laugardagur, janúar 03, 2004

Tvíburarnir (21.maí - 21.júní) - Ársspá 2004

Merkúríus er ríkjandi stjarna þín sem segir að frjótt ímyndunarafl þitt fær notið sín árið 2004.

Þú birtist kröfuhörð manneskja og oft á tíðum flókin árið framundan sér í lagi. ÉG HEFÐI NÚ HALDIÐ AÐ ÞAÐ VÆRI EKKI Á ÞAÐ BÆTANDI. ÉG ER NÓGU FLÓKIN FYRIR. Hér ertu ósátt/ur við lífið, starfið eða námið, en ættir ekki að eyða orku þinni í að þvinga fram niðurstöður því árið 2004 sér til þess að óskir þínar lifni við ÉG SEM SAGT BARA BÍÐ RÓLEG. :) Þú ert líkleg/ur til að leysa vandamál þín þegar laufin falla, ÞEGAR LAUFIN FALLA LIGGJA SPAÐARNIR ANDVAKA en þú ættir að leyfa þér að hafa opið hjartað fyrir tækifærum framtíðar. ÉG ER ÆTÍÐ OPIN FYRIR GÓÐUM HUGMYNDUM Þér er ráðlagt að vera ekki hrædd/ur við að elska. HUH! Þú átt í erfiðleikum með að sleppa tilfinningum þínum lausum án tryggingar um að fá þær endurgoldnar hér í byrjun ársins. DOUBLE HUH! Þú virðist vera upptekin/n af frammistöðu þinni og ert í raun nokkuð feimin/n. SEGÐU MÉR EITTHVAÐ SEM ÉG EKKI VEIT Slakaðu á og hlustaðu á skilaboð hjartans. ÞAÐ ERU AÐ KOMA SKILABOÐ......... HVERNIG VAR LEIKURINN AFTUR Finndu upptök streitunnar og óttans. ER AÐ VINNA Í ÞVÍ Þú þarft að losa þig við óttann ef þú vilt ná árangri sem þú sættir þig við. OK EKKERT MÁL EINS OG ÉG VÆRI EKKI BÚIN AÐ ÞVÍ...... Leyfðu hlutunum að hafa sinn gang. HEF EKKI ÞOLINMÆÐI Í ÞAÐ Árið 2004 krefst hjarta þitt þolinmæði og vinnu af þinni hálfu. ÉG VAR AÐ SEGJA ÉG HEF EKKI ÞOLINMÆÐI HVERNIG ER ÞETTA EIGINLEGA ER EKKERT HLUSTAÐ Á MANN EÐA HVAÐ Í undirmeðvitund þinni elur þú af þér sjálfvirkt viðbragðamynstur til að að forðast vissa hluti og verða viðbrögðin þá jafnvel að vana hjá þér. HAA ÉG NEI ÞAÐ GETUR EKKI VERIÐ Hvert einasta vandamál sem þú átt við að stríða felur í sér dýrmætt tækifæri til að breyta tapi í ávinning og þú ert án efa meðvitaður/meðvituð um það. EINHVERS STAÐAR DJÚPT NIÐRI Ef þú uppfyllir eigin væntingar eru vissulega líkur á að þú upplifir dásamleg samskipti þegar tilfinningar þínar eru annars vegar. OK ÉG ER TIL Í ÞAÐ Reyndu að vera fús til að leggja svolítið á þig með því að aðhafast sem minnst. JÁ NOW YOU´RE TALKING Þú hefur eflaust nú þegar sent frá þér langanir þínar og mátt búast við að draumar þínir lifni við í fyllingu tímans. Blómin reyna ekki að vaxa heldur opna sjálfkrafa blöð sín. Það er eðli þitt að láta óskir þínar rætast án þess að reyna á nokkurn vöðva líkamans. SKÍTT MEÐ LÍKAMSRÆKTINA. FÁEIN AUKAHALDFÖNG HÉR OG ÞAÐ BARA BETRA. EKKI REYNA Á ÞIG. Slakaðu á og leyfðu umhverfinu að vaxa án þinnar tilstuðlan því þá verður þú fær um að stuðla að stöðuleika sem er jákvætt vissulega en undrið er vöxtur og birting hins guðlega neista sem býr greinilega innra með þér. Vitsmunir, vilji og þinn ómældi hæfileiki í mannlegum samskiptum mun koma þér á áfangastað og máttur þinn til að skapa á sér engin takmörk. Þér er hér ráðlagt að nota kosti þína til hjálpar náunganum árið framundan. JA HÉRNA ÞAÐ MUNAR EKKERT UM ÞAÐ.

Óvæntir hlutir stíga fram á sjónarsviðið árið 2004 þar sem umhyggja og djúpur fögnuður þíns eigin anda verður nánast áþreifanlegur af þinni hálfu. ÚFF ÞETTA VERÐUR SPENNANDI..............

helgarnar eru nú alltaf góðar!!!!!

þetta eru nú meiri veðrin hérna. rétt komin almennilegu snjór, þegar allt rignir í rot aftur. reyndar finnst mér rigningin góð eins og segir í kvæðinu. mér finnst alveg frábært að fara í göngutúr í grenjandi rigningu, svo fremi sem það sé ekki of mikið rok. ekki það að ég get svo sem alveg hamið mig þó það rigni núna, hef enga löngun til að fara að rölta úti við, enda er leiðindarok líka.

ég fór í ikea i dag og keypti mér diska. ég var nefnilega búin með pappadiskana, og allt sem var borðað hjá mér var borið fram í einhverju yndisgulum blómalaga plastskálum. hehe. því sá ég það að ég yrði að verða mér úti um diska, því þetta væri nú ekki alveg að ganga hjá mér. svo nú hef ég enga ástæðu til að versla bara tilbúin mat í einnota umbúðum, oooo kannski þetta hafi bara verið vitleysa hjá mér.

geymslan

svo tókst mér í dag hið ómögulega. ég hringdi í mundu (hún er nú samt allt annað en ómöguleg) og bað hana að koma og flytja með mér billjard borðið. þvílíkt puð að koma því út um dyrnar, því nú eru komnar þessar fínu hillur þangað inn þannig að það er ekki hægt að opna hurðina eins vel og hægt var í byrjun. nema hvað að hún hjálpaði mér svo að koma öllu draslinu inn í geymsluna. jííííííhhhaaaaa. þetta er mikill léttir. það er svo leiðinlegt að hafa eitthvað svona hangandi yfir sér í lengri´tíma.

þá er bara eitt (ok ég get ábyggilega fundið eitthvað meira) sem er eftir. við bryndís eigum eftir að klára verkefnið í tölfræðinni, og skila því. við drífum nú í því bara í næstu viku strax. ekkert mál. bara gaman :) þá get ég byrjað nýtt ár.

arnar

hann arnar minn dreif sig til vestmannaeyja í morgun. viti menn það var flogið. hann var svo spenntur þegar ég spurði hann í morgun hvort hann vildi fara. hann hélt það nú. fyrirvarinn var nú ekki mikill, enda hefur reynst best að framkvæma svona hluti strax vera ekkert að tala of mikið um það. klukkan ellefu vissum við að það yrði flogið og hann myndi fara. og klukkan tólf var mæting. hann hljóp um allt og týndi til öll föt af sér sem hann sá. líka þau sem hann vill aldrei fara í og svo var hann bara rokinn. þessi elska. það verður voða gaman hjá honum og predu ömmu og kevala.

stjörnuspáin

Þér er ráðlagt að hlusta betur á fólkið sem þú umgengst þessa dagana. Þú virðist geta framkvæmt marga hluti á sama tíma og orka þín eflist vissulega við hvaða erfiði sem þú ómeðvitað kýst að takast á við. Nýttu kraft þinn til hjálpar náunganum því þú hefur mikið að gefa án fyrirhafnar. Janúar mánuður árið 2004 verður annasamur í jákvæðum skilningi. öööööö já..... hlusta, haaaa ég held ég sé nú nokkuð dugleg við að hlusta. hlusta jafnvel alltof mikið, og segi of lítið. þetta með að framkvæma marga hluti í einu, hehe ég er nú ekki viss um það. get til dæmis ekki bakkað bíl við erfiðar aðstæður ef útvarpið er hátt stillt, en þá er bara að slökkva á bévuðu útv. og bakka bílnum. þrjóskan í fyrirrúmi. já ég hjálpaði yfirmanninum í gær eins og ég sagði frá, með engri fyrirhöfn því ég settist inn í bílinn hann og bakkaði og lánaði honum skóflu. hehe. annasamur janúar. já við skulum sjá hvernig það fer. ég held að það sé fátt sem toppi desember ;)

fyrsti vinnudagurinn

þá er fyrsti vinnudagurinn á því herrans ári 2004 liðin. hann var nú bara ósköp notalegur, og ekki sakar að fá einn dag og svo komin helgi. að vísu er einn galli á því. nú er komin svoddan óregla á svefntíma drengjanna minna, að það að fá einn vinnudag þar sem maður þarf að rífa þá upp og dröslast í leikskóla og ætla að vera komin í vinnu á réttum tíma er ekki gaman. þeir ætluðu að sjálfsögðu aldrei að sofna í gærkvöldi ergo það var ekkert voðalega gaman að vakna í morgun, ergo mamman var ekkert rosalega hress allan tíman :) svo ekki sé dýpra í árinni tekið og mætti að sjálfsögðu allt of seint í vinnuna. það vill svo til að það kom ekki að sök því þeir hjá hjartavernd voru svo elskulegir að ákveða að það myndi eflaust engin (eða í það minnsta fáir) vilja fá tíma hjá okkur í dag, og voru því með lokað. þá gæti nú einhver hugsað, hvurn dj... var hún þá að æða í vinnu. jú það er vegna þess að þó það sé lokað þá á maður ekki endilega frí. ég mátti að vísu alveg taka mér frí, en vegna óhóflegrar fjarveru úr vinnu undanfarna mánuði þá bara gat ég ekki annað en mætt í vinnu. enda vorum við lilja afskaplega duglegar að lesa úr myndum og borða konfekt. við vorum ekki nema fjögur í vinnunni á okkar deild, þannig að þetta var voða kósí hjá okkur. svo þegar ég fór heim (var á eðalvagni foreldra minna) þá sat yfirmaður minn pikkfastur í snjóskafli úti á plani. nú ég mátti til með að reyna að vinna mér inn prik og þóttist vera að reyna að hjálpa honum. það skilaði að vísu ekki miklum árangri, en ég gat þó lánað honum skóflu, sem mamma hafði nappað úr bílskúrnum hjá mér þegar við vorum að flytja. svo kom einhver jeppa kall og dró hann út úr skaflinum. hvernig í ósköpunum datt honum í hug að keyra svona inn í skaflinn. karlmenn og bílar dududududu. (ég treysti sem sagt á það að hann lesi þetta ekki)

líkamsrækt !!!!!!
ég sem sagt læt ekki segjast. ég fékk tölvupóst í dag, þess efnis að ég gæti keypt árskort í sporthúsið fyrir sextánþúsundogfjögurhundruðkrónur sem verður bara að segjast eins og er að er bara ansans ári góður díll. tala nú ekki um ef maður mætir nú í húsið svona annað slagið, bara rétt til að stimpla sig inn. ég stormaði niðureftir og verslaði mér svona kort, og nú er bara að æða af stað (ég er nefnilega að halda upp á það að ég náði að selja orbitrek tækið mitt. reyndar held ég að ég hafi selt tækið hans gumma líka. hehe svona er maður mikill bisness maður). ég veit að meinvill hefur fulla samúð með mér fyrir að vera að reyna þetta eina ferðina enn, en komm on maður má ekki gefast upp. ég og munda systir fórum í svona lokaða tíma fyrir ári síðan, og þar kynntist ég body pump og mér fannst það bara soldið gaman. ég er að spa í að reyna að fara í einhverja svona tíma. nú á að taka þetta með trompi og verða hár og grannur áður en ég fer á tónleikana í apríl, verð að teygja svolítið á mér svo ég sjái eitthvað. hey annars getur dagný nú bara tekið mig á háhest ef í harðbakkan slær. mæta vel aðra hverja viku þegar strákarnir eru ekki hjá mér, og svo reyna að fara eitthvað hinar vikurnar. ég má ekki gefast upp. ég skal ég skal ég skal... það verður áræðanlega eitthvað sagt frá hvernig gengur, sérstaklega ef það gengur vel. ætla að fara í fitumælingu í vinnunni á mánudag og svo skal ég standa mig ;) hvatningarræðu lokið.

gormur halldórsson
eins og fram kom í sumar þá fékk ég mér kött. þetta var yndislegur lítill kettlingur og var hann nefndur gormur. nú er gormur orðin unglingur og er að drepast úr greddu. ég er svoleiðis í vandræðum með hann. þurfti að setja hann í skammarkrókinn í kvöld, lokaði hann inn á klósetti, því hann var alveg að tapa sér, beit og klóraði og réðist á allt sem fyrir varð. þess á milli er hann ljúfur sem lamb. hann var svo skömmustulegur þegar ég hleypti honum út af klósettinu. og nú liggur hann hérna í sófanum hjá mér svo sakleysislegur og sætur. svo mikil krúsínudúlla eins og arnar myndi segja. arnar sagði mér einmitt í óspurðum fréttum að hann héti gormur halldórsson. hann staglaðist svoleiðis á þessu, en hver þessi halldór er hef ég ekki hugmynd um, en hann er greinilega pabbi gorms. um það verður ekki deilt. trúið mér, maður nennir ekki að deila við þennan dreng, enda er hann að kafna úr frekju þessi elska erum að spá í að senda hann í útlegð til vestmannaeyja á morgun. sjáum til hvernig það gengur, ætli verði nokkuð flogið.



stjörnuspáin
ég hef nú ekki ennþá fundið ársspá sem stenst kröfur mínar, þ.e. hvernig ég vil hafa þetta ágæta ár. en hún verður krufin um leið og hún finnst.

Þú munt aðeins ná langt ef þú leggur eitthvað á þig. Láttu ekkert hindra þig í framkvæmdum sem framundan eru hjá þér. Láttu ekkert koma í veg fyrir að þú njótir stundarinnar til fullnustu. Mundu að þú ert fær um að gera daginn í dag að góðum degi og ekki síður morgundaginn sem verður eflaust enn betri hjá stjörnu tvíbura. Þú kemst langt á viðhorfi þínu, gleymdu því eigi.

framkvæmdir framundan. ég hélt að ég sæi fyrir endan á framkvæmdum í bili. þeir eru kannski að tala um líkamsræktina sem er yfirvofandi. það hlýtur að vera. já já. ég veit ég er frábær. ég nýt augnabliksins alveg í botn og ekkert fær stöðvað mig. (var það ekki einhvern vegin svona)

hér er önnur:
A reasonably pleasant time
Weak, transient effect: This morning you want to be with your friends and the people you love. This influence helps to ensure that you will have a reasonably pleasant time with them. Feelings of love and friendship may build in all areas of your life now, and you feel that life is richer and a little more rewarding. It is a good time to have friends to your home for entertainment. You are able to make them feel good, and they will appreciate it, for you make it clear that you care about them. In general, your home situation and immediate environment will be the sources of your greatest satisfaction during this period. Your light and cheerful mood will be picked up by everyone around you, too. However, you should be careful not to become passive.

reasonably pleasant times. frábært. hehe hahaha i am so light and cheerful tralalalala

fimmtudagur, janúar 01, 2004

GLEÐILEGT ÁR ELSKURNAR MÍNAR

og takk fyrir það liðna. þetta ár hefur verið viðburðaríkt í meira lagi í mínu lífi. þar ber auðvitað hæst að ég og ásmundur erum skilin að borði og sæng (finnst það alltaf jafn skondin skilgreining) erum búin að selja húsið í haukalind og kaupa í ljósuling og blásölum. þetta gengur allt saman vel held ég bara, svona miðað við allt. en framundan er nýtt líf á nýju ári. ok og ganga frá gamla draslinu í geymsluna. ég skil ekki að fólkið hérna í húsinu fari ekki að kvarta undan mér því ég er með alls kyns drasl á göngunum hjá geymslunum. btw ég er með ýmislegt sem mig vantar að losna við. billjard borð, orbitrek, barnavagn, burðarstól, barnarúm (ekki rimla) svo fátt eitt sé tekið. endilega ef þið vitið um einhvern sem vantar svona látið viðkomandi tala við mig.

en hvert var ég komin, jú þetta er u.þ.b. það eina svona sem segjandi er frá, frá síðasta ári. nú er bara að fara að taka fram hlaupagallann, og spretta úr spori þegar strákarnir eru ekki hjá mér, og gera tvær þrjár magaæfingar og svona ýmislegt sem maður ætlar alltaf að gera á tímamótum, og þá er ég ekki endilega að tala um áramót, heldur hef ég allaf sagt, þegar ég er búin að flytja þá ætla ég að byrja, þegar ég er búin að eiga barnið þá byrja ég. ok hef svo sem byrjað mörgum sinnum, en aldrei komist lengra en það. reyndar var ég svo dugleg í sumar að ég vaknaði þráfaldlega klukkan sex á morgnana n.b. til að fara út að hlaupa. svei mér ef ég var ekki farin að telja það tímabil í vikum. var afskaplega ánægð með mig þá. svo kom sumarfrí og kerfið ruglaðist og komst aldrei í gang aftur almennilega.

ég fór snemma heim frá mundu í kvöld. arnar sofnaði yfir skaupinu þannig að ég stormaði með hann heim þegar það var búið. fékk leyfi til að skilja hann ágúst eftir svo hann gæti verið með þessu skotglaða fólki. þetta var heljarins hellingur af fólki. það var hún ég, ágúst og arnar. amma og afi, munda og bjössi, birna, birgir og björn, sigga og gummi, guðrún, guðrún (ég er ekki að stama) hugrún og gísli. sem sagt dággóður slatti af fólki. en eins og ég sagði þá fór ég heim strax að skaupi loknu, og gat því horft niður á marga flueldana. það var nú soldið gaman ég verð að segja það. ég sá mikið betur það sem þau voru að skjóta upp heldur en þau sjálf..... flókið. gormur minn var að fá taugaáfall hérna áðan held ég. strunsaði um alla íbúðina og vissi ekkert hvernig hann átti að haga sér þessi elska. hann er nú samt aðeins að róast núna.

hún lilja hringdi í mig áðan þessi elska bara svona til að óska mér gleðilegs árs og athuga hvernig ég hefði það. fyrir þá sem ekki vita (af öllum þeim aragrúa sem eru að lesa þessar línur) þá er lilja vinkona mín sem situr við hliðina á mér í vinnunni allan daginn (þ.e. þegar ég hef fyrir því að mæta) við sem sagt erum svona síamstvíburar, er ekki nóg að sitja hlið við hlið átta tíma á dag, heldur þurfum við líka að tala saman á kvöldin, um helgar og í fríum svona yfirhöfuð. hún hefur verið annar af tveimur sálusorgurum mínum undanfarna mánuði og trúið mér það er ekki verkefni fyrir hvern sem er :) takk fyrir allt elsku lilja. svo hitti ég manninn hennar líka annað slagið, og við eigum saman svona ljúfsárar stundir. hehe ok þetta er kannski ekki alveg svona frjálslegt hjá okkur, heldur er hann búin að vera að læra nudd, og ég er alltaf boðin og búin að taka að mér að hjálpa fólki í gegnum nám og aðra álíka hluti. sérstaklega ef það felst í því að leggjast á bekk og láta nudda sig frá toppi til táar. sem sagt, ég get alveg hæglega mælt með honum ef einhver er að leita sér að nuddara. elli minn, takk fyrir allt líka.

nú ætla ég að fara að leita mér að einhverri góðri árs stjörnuspá, velja einhverja sem hljómar vel fyrir mig og kryfja hana til mergjar. vi ses

miðvikudagur, desember 31, 2003

gamlársdagur/kvöld

nú er hún sigríður systir mín með börn okkar hinna systra á brennunni. þetta er nú auðvitað brilljant fyrirkomulag, að við eignumst börnin, og hún sér um svona ýmis verkefni sem þarf að inna af hendi. á meðan fer fram árleg umræða hér á heimilinu í hvaða átt brennan er, hvort þetta sé flugeldasýningin í kópavogi eða garðabæ, svo ég tali nú ekki um í hvaða átt keflavík er, og í hvaða átt maður keyri ef maður ætli austur fyrir fjall.

ég á nefnilega mág sem er sá áttaviltasti ever. það er alveg sama hvað við segjum honum oft í hvaða átt keflavík er, hann skal alltaf þræta við okkur, jafnvel þó svo að allir hinir séu sammála. hann er alveg ótrúlegur. og það fyndna er að honum er alvara í hvert skipti sem þessa umræðu ber á góma. svo er verið að tala um að kvenfólk sé áttavilt. huh.

ég fór í bónus í dag, sem er nú ekki í frásögur færandi, nema að ef þú ætlaðir ekki að kaupa hamborgarhrygg eða hangikjöt á 3-4þús kr. þá áttir þú bara ekki að borða neitt. ég fór heim aftur með engan mat. svo það verður bara grjónagrautur hjá mér á morgun. strákarnir verða nú hæst ánægðir með það ef ég þekki þá rétt.

stjörnuspáin

eitthvað brást mér nú bogalistin í nótt þegar ég var að skoða stjörnuspána mína. það var nefnilega komin nýr dagur og ég hafði ekkert fattað. þannig að sá þáttur fellur niður núna.

nú árið er alveg að verða liðið.........

þá er næstsíðasti dagur ársins liðinn. ég var að koma heim úr saumaklúbb, þessum sem er ekkert gert nema tala í. jú ég skrökva núna. hrafnhildi var fenginn spilastokkur og hún spáði fyrir okkur af alkunnri snilld. hún hefur nú séð fyrir ófá börnin í þessum hópi. reyndar er það nú ekki erfitt þar sem svo virðist sem það sé alltaf einhver okkar ófrísk. nú er það hún helga en hún er að fara að eignast barn númer tuttugu og sex. okok hún á þau ekki öll þetta er hennar fjórða barn (veit fólkið ekki um getnaðarvarnir eða hvað), við hinar níu eigum samanlagt tuttugu og tvö börn. mér finnst það bara nokkuð gott hjá okkur. en þar sem þetta barn fer að fæðast, þá þarf einhver okkar að fara að leggja í, það er bara spurning hver okkar það verður.........

annars vorum við ásm bara nokkuð dugleg í dag. okkur tókst hið ómögulega þ.e. að tæma bílskúrinn. það er að vísu eitthvað smotterí eftir, en það verður klárað á morgun. eitthvað smá dót sem mamma ætlar að hirða. en það sem mér var orðið kalt við þetta. það var svona "mér verður aldrei aftur hlýtt" kuldi í mér. en birna (í saumó) gaf mér kaffi og púrtvín svo ég fékk smá velgju í mig aftur. takk fyrir það.

á morgun (ok klukkan er nú orðin svolítið margt ég þannig að í dag eiginlega) er gamlársdagur. og það er eins gott að búðir séu opnar eitthvað því ég hef ekkert verslað í matinn. ´við förum að vísu í mat til mömmu og pabba, en svo er nýársdagur. eitthvað þarf maður að borða þá líka, sérstaklega þar sem strákarnir eru hjá mér núna. verð að reyna að koma mér út í búð á morgun, við vorum bara svo önnum kafin í bílskúrnum í dag, að það gafst enginn tími til að stússa í svona löguðu. oooo svo er þetta yndislega verkefni sem þarf að leysa af hendi. draslið úr bílskúrnum endaði einhvern veginn bara niðri á gangi hjá geymslunum. ég á´alveg eftir að koma þessu inn í geymsluna. það verður nú einhver höfuðverkurinn. uss uss æ ég geri það á nýju ári.

já og anna, þér er alveg óhætt að færa mig upp um reit, því ég reis upp frá dauðum.......... bíddu við eru það ekki páskarnir, jæja ég tek þá bara snemma í ár, nenni ekki að bíða fram í apríl með þetta.

stjörnuspáin

Gættu þess að sýna ekki þrjósku gagnvart því óhjákvæmilega sem þú upplifir. Taktu á mót hverjum degi með jafnaðargeði og hugaðu vel að hegðun þinni út þessa viku sér í lagi. Ef hindranir eru framundan að þínu mati ættir þú að stökkva yfir þær og halda ótrauð/ur áfram. Þú hlýtur ómeðvitaða leiðsögn án efa og ættir ávallt að gefa undirmeðvitund þinni gaum.

æ ekkert varið í þetta, ég er ekkert þrjósk, hef fullkomið jafnaðargeð og hegðunin, huh, ekkert út á hana að setja. er rosalega góð í hástökki og langstökki, enda með langa íðilfagra leggi. svo ekkert nýtt hér.

mánudagur, desember 29, 2003

göngutúr

annars varð mér um og ó í morgun þegar ég leit út um gluggan og sá hvernig veðrið var. ég sver að ef ég hefði ekki verið með kuldagallann minn þá hefði ég ekki farið í vinnuna. blindbylur, sá ekki út úr augum. og ef það er eitthvað sem ég þoli ekki þá er það þegar mér er kalt. ég er svoooo mikil kuldaskræfa. en ég sveiflaði mér fram úr með miklum tilþrifum og skellti mér í kuldagallann. ok ég fór í einhver föt líka og skellti mér út. þetta var bara ljómandi gott og hressandi. var pínulítil ófærð yfir planið milli smáralindar og hjartaverndar en hey, maður er svoddan hetja.

svo er maður búin að vera að líta út um gluggann svona annað slagði í dag og horfa á alla vesalingana sem eru fastir hingað og þangað. hehehe. en svo var komið að því að þramma heim á leið. ég skellti mér aftur í kuldagallann, skóna, húfu og trefil btw ég þarf að verða mér úti um góða vettlinga, og æddi af stað. nema hvað að þegar ég var komin niður að smáralind þá var ég orðin svo þreytt (þeir sem þekkja til vita að það er ekki mjög langt frá hjartavernd að smáralind) en átti langa ferð fyrir höndum. ég þrammaði og þrammaði og þrammaði og hélt ég yrði aldrei komin heim, gleymdi að vísu að taka tíman. ástæðan fyrir því að þetta var svona erfitt var sem sagt ekki rokið heldur það að snjórinn náði mér alls staðar upp að hnjám. okok ég veit að það er ekki neitt endilega rosalega mikill snjór, en að labba svona langt og þurfa alltaf að lyfta fótunum svona hátt upp i hverju skrefi það getur alveg gert út af við mann, svo ekki sé dýpra í árina tekið og ef ég ætlaði að vera sniðug og labba strætóleiðina, en hún á víst alltaf að vera opin.... þá voru bara einhverjir brjálaðir bílstjórar að reyna að keyra mig niður, svo af tvennu illu var skárra að vera á "gangstéttinni" en ég hafði það loksins af, komin upp í blásali rennandi blaut, alveg inn að beini mátti tæta mig úr öllum fötum og skreið svo undir sæng. ég er best geymd hér held ég.

annars er nú rosalega gaman í svona veðri. það skapast alltaf viss stemming, allir að hjálpast að við að ýta og moka og svona alls konar gaman. það er nú svo undarlegt hvað þetta hefur breyst. maður man eftir því sem krakki að það var alltaf einu sinni til tvisvar á vetri sem það var aflýst skólahaldi vegna veðurs. þetta heyrir til algjörra undantekninga í dag. hvernig stendur á þessu. maður sat við útvarpið á morgnana og beið eftir að sinn skóli væri lesinn upp í tilkynningunum, og þvílík vonbrigði þegar að búið var að lesa upp einhvern haug af skólum en ekki minn. það var nú bara alveg nóg til að eyðileggja daginn fyrir manni. en þetta er nú liðin tíð.

stjörnuspáin í dag

Þú vilt eflaust standa á fullkomlega á eigin fótum sem þú reyndar gerir án efa. Ef þú ert stödd/staddur í einhverskonar sjálfskoðun (janúarbyrjun 2004) ættir þú að horfast í augu við tilveru þína með jákvæðum augum og deila draumum þínum og áhyggjum með öðrum en það eitt stuðlar að þroska þínum og athafnasemi. Mikil gleði einkennir stjörnu tvíbura næstu daga. Varastu sér í lagi óhóf þegar líða tekur að áramótum.

hvurslags athugasemdir eru þetta eiginlega. óhóf..... ég..... hvernig dettur þeim þetta í hug. maður hefur nú móðgast yfir minna.

sunnudagur, desember 28, 2003

hvernig kemur þetta út

nú þegar maður er byrjaður að blogga aftur þá þarf maður að eyða góðum tíma í að skoða dótið. hvernig væri að hafa svona titla?

þetta var svei mér góður blundur. ég held ég sé að fá legusár ég er búin að liggja svo mikið upp í rúmi í fríinu. en það er allt í lagi ég held ég sé alveg búin að vinna mér inn fyrir því :) ég fór að vísu ekkert í bílskúrinn í dag, ég bara nennti því ekki fyrir mitt litla líf. hringdi í systur mínar en þær nenntu ekki að leika við mig svo ég hringdi bara í pabba minn. hann kom og lánaði mér bílinn, ég elti sm upp í breiðholt og henti arnari í hana, því þau ætluðu að fara að horfa á flugeldasýninguna í perlunni saman. að þessu loknu dreif ég mig í ikea. ég fékk allt í einu þessa rosalegu þörf fyrir að fara þangað. mig bráðvantar nebblilega einhverslags hillur / skáp sem passa hérna á einn vegginn hjá mér. málin eru d34xh98xb171 minnir mig endilega og þetta þarf helst að vera í einhverjum brúnum lit. svo ætla ég að gera bara eins og hún annakr það er að setja bara hillur á vegginn eins mikið og hann þolir yfir hurðaopin og allsstaðar því einhvers staðar verður maður nú að koma öllum bókunum fyrir ekki satt. ég ætla nú samt ekki að mæla hversu marga hillumetra ég þarf. ég er viss um að ég fer létt með að fylla þetta af bókum. það er svo gaman að eiga bækur. og bíómyndir og og og og. ég er nú samt ekki með svo mikla söfnunaráráttu miðað við marga aðra...... nefni engin nöfn. ég er ekki með nema fullan bílskúr af drasli hmhmhmhm. en svo ég klári nú söguna, þá var ekkert í ikea sem hentaði mér svo ég þarf bara að leggja heilan í bleyti.

það er nú munur að búa svona hátt uppi. mín fór bara út í glugga til að horfa á flugeldasýninguna. æ ég er samt einhvern vegin búin að missa allan áhuga á flugeldum. ég á nebblilega svolítið erfitt með að þola þessar öfgar sem eru í öllum hlutum. ég er að spá í á næsta ári hvort ég eigi ekki bara að stefna á að vera einhvers staðar í burtu hvort heldur sem er innan lands eða utan. mér finnst það ekki hljóma illa. jæja ég hef nú svo sem nokkra daga til að ákveða mig.

ég hef stundum svolítið gaman af að lesa stjörnuspána mína. og dagurinn í dag var engin undantekning í þeim efnum. ég fer þá helst inn á www.leit.is og í dag las ég um tvíbura og kynlíf. þá gat ég nú ekki annað en glott út í annað. læt það fylgja með:

Þú flíkar ógjarnan tilfinningum þínum og viðkvæmni en mættir vissulega gera meira af því. (ég held nú að ég sé komin yfir þann þröskuld svona að mestu leiti) Persónulegar þarfir þínar knýja hér á af miklum hraða (nó sjitt sjerlokk) og samhliða því átt þú jafnvel erfitt með að takast á við það sem þú í raun og veru kýst innra með þér að upplifa þegar kynlíf er annars vegar (sem er.......). Þegar þú ert ástfangin(n) ert þú í sjöunda himni en á sama tíma mjög viðkvæm (hhmmm ég veit ég bara ræð ekkert við það)

Til að vera fær um að upplifa unað með fólki fætt undir stjörnu tvíbura þarf viðkomandi að skilja hvernig hugur tvíburans starfar(uss það er nú ekki hægt að ætlast til þess). Það er mannlegt að einblína á það sem hefur mistekist en þú ert minnt/ur hér á að þú hefur lag á að upplifa það sem þig ávallt hefur dreymt um í sambandi(ooo mikið var það nú gott). Útlit þitt og gáfur eru uppsprettur sem auðvelda þér að ná því sem þú þráir þegar tilhugalíf þitt er annars vegar.(hehe ég veit það nú ekki)

Þú finnur án efa ekki kynferðislega fyllingu nema með andlegri fullnægingu (já var það ekki, ég verð alltaf að hafa það allt, gera hlutina svolítið flókna) því þú hefur eflaust mikinn áhuga á greind á sama tíma og hugur þinn æðir áfram langt á undan líkama þínum(úff ég veit, ég er búin að framkvæma fullt af hlutum í huganum og þá er ég ekki að tala um kynlíf heldur bara lífið og tilveruna). Þú birtist hér sjálfstæð(ur) mjög en dýrmætasta eign þín er án efa þitt eigið frelsi (því ætla ég nú ekki að neita. ég þoli ekki að vera niðurnjörfuð, ég þarf að fá að leika lausum hala).

Fólk fætt undir stjörnu þessari leitar sífellt svölunar í kynlífinu (eehheemmm) þegar það er fært um að hlúa að líkamlegum þörfum án þess að láta vitsmunalegu hliðina trufla ástarleikinn.(vitsmunalega hluti........ ég er ekki alveg að fylgja núna...)

hhmmmm hvar segir svo að stjörnuspekin sé vitleysa.


jæja þá eru blessuð jólin langt komin. þessi jól eru svolítið mikið öðruvísi heldur en öll hin, en allt hefur gengið vel fyrir sig. við vorum hjá mundu og bjössa á aðfangadag. þetta var þvílíkt fjör tólf aðilar að rífa upp pakka. og þvílíkt pakkaflóð. en sm stjórnaði þessu öllu af stakri snilld eins og alltaf. amma fékk hermanna flíspeysu í jólagjöf, gerði sér lítið fyrir og svipti sig klæðum fyrir framan alla´og sveiflaði sér í peysuna. þetta vakti mikla kátínu strákarnir roðnuðu og blánuðu í framan við að horfa á ömmu sína á undirfötunum, hehehe. þó var best af öllu þegar amma fékk næsta pakka, þá sagði björn sævar:"amma, ef þetta eru nærbuxur, viltu EKKI máta þær hérna". ég vissi ekki hvert ég ætlaði ég hló svo mikið. henni hefði svo sem verið trúandi til þess að máta þær í stofunni, undir jólatrénu. hahahhaah.

þetta var sem sagt allt saman mjög fínt. ég fékk mikið af fínum jólagjöfum og strákarnir líka. þá eru það áramótin næst. við förum auðvitað öll í matinn til mömmu, en svo hugsa ég að ásm verði ekki með okkur restina á kvöldinu. sjálf hefði ég helst viljað fara bara heim til mín og horfa á flugeldana út um gluggann, en ég er nú ekki viss um ágústi finnist það svo spennandi kostur að fá ekki að sprengja eitthvað, svo við förum bara til mundu líka.

talandi um flugelda. ég þoli ekki þessar tvær vikur, sem sagt frá og með núna og fram yfir þrettándann. það er ekki nokkur leið að sofa. fólk er svoleiðist að drita upp í loftið alls kyns flugeldum og sprengjum með tilheyrandi hávaða og látum. í gærkvöldi voru strákarnir hjá mér, og í hvert skipti sem þeir voru að festa svefn, þá var einhver hálfvitinn í hverfinu að skjóta einhverju upp í loftið, og þeir auðviðtað hrukku upp með tilheyrandi látum. aarrrgggghhhhh ég var alveg að missa mig þarna á tímabili. þetta er hryllilega pirrandi. en þá er bara að setja upp sparibrosið og leiða þetta hjá sér (as if). ´

ég skal nú bara segja ykkur að ég er alveg að sofna. ligg upp í rúmi umkringd bílum, strákarnir frammi í stofu að horfa á sjónvarpið og ég get varla haldið augunum opnum. kannski ég leyfi mér að loka þeim eitt augnablik bara smástuuunnndddd zzzzzzzzzzzzzz