.comment-link {margin-left:.6em;}

í dagsins önn...........

hugleiðingar mínar

föstudagur, nóvember 18, 2005

ég er víst Partítröll :)

Þú ert nýjungagjörn, tilfinningarík félagsvera.
Partítröllið fylgist vel með nýjustu straumum og stefnum hvort sem um er að ræða föt, tónlist eða græjur. Það eru 74.5% líkur á því að það eigi iPod, 61% líkur á því að það eigi Fred Perry póló bol og 96% líkur á því að það eigi Adidas skó. Partítröllinu finnst The OC vera skemmtilegur þáttur.

Partítröllið er vinsælt - eða telur sig að minnsta kosti vera það. Þótt margir laðist að því eins og flugur að mykjuhaug eru aðrir sem eru ónæmir fyrir þokka þess og enn aðrir sem hafa jafnvel ofnæmi fyrir því. Það eru þeir sem eru í eldhúspartíinu á meðan partítröllið hristir rassinn og baðar út öngum á dansgólfinu.

Þegar gamaninu slotar er partígríman þó fljótt tekin niður og undan henni kemur viðkvæma blómið sem partítröllið raunverulega er.



Partítröll

ég var að skríða í hús. hitti "gamlar" bekkjarsystur mínar í kvöld. frá í denn.... barnaskólanum... iss hvað tíminn líður. ég er bara ekki að ná þessu. að þessu sinni var það lauga sem bauð okkur heim... ofsalega notalegt og gott heimili hjá henni. það var auðvitað mikið spjallað eins og gefur að skilja. bera saman sögur af börnum...rifja upp gamlar stundir.. og plana nýjar.. já ég spurði hvort við ættum ekki að skipuleggja partý fyrir liðið bara á nýju ári.. við heimir vorum einmitt að tala um þetta um daginn þegar við hittumst.. þær tóku að sjálfsögðu vel í það þannig að það verður bara byrjað að skipuleggja í janúar :D úúú það verður bara gaman. jæja ætli sé ekki ráð að koma sér í rúmið. maður þarf víst að mæta í vinnu eftir allt of fáa klukkutíma :|

miðvikudagur, nóvember 16, 2005

ég skrapp til tannlæknis í dag.... og hvað með það... jú ég kom til baka í vinnuna klukkutíma seinna, einni tönn fátækari... :( nú er tungan í mér með víðaáttubrjálæði og veit ekkert hvernig hún á að haga sér... vön að hafa þessar aukatennur til að halda sér í skefjum. omg þetta tekur smá stund að venjast. tanndráttur er frekar spes tilfinning... ekki vont... en ferlega óþæginlegt þegar brakar í beininu þegar verið er að juða tönninni til og frá og svo þegar hún losnar... búmm

þriðjudagur, nóvember 15, 2005

það var fjölskylduferð í smáralindina í gærkvöldi.. afi fór að kaupa sér jakkaföt, og hann hafði ekki bara ömmu með... neinei... heldur okkur allar systurnar líka, og birna rebekka gat ekki látið það framhjá sér fara, og skellti sér með... hehe fylltum búðina (dressman ekki smáralindina alla) og stormuðum svo út aftur með bros á vör og jakkaföt á afann. tóm gleði.

annars gat ég nú ekki annað en hlegið að henni frænku minni. hún sótti mig í morgun, (þar sem hún var á mínum bíl) og hehehe hún var nú eitthvað krambúleruð í framan greyið. hehe hún nefnilega vaknaði í nótt og þurfti að fara á klósettið hehehehe sem er nú ekki í frásögur færandi, nema að hún hefur greinilega dottið HAHAHAHAHA og er með sár undir auganu... bólgin... og sár (rispu/klór) á enninu... hehehe það er bara til ein birna rebekka. tíhíhíhíhí

mánudagur, nóvember 14, 2005

hana..... þetta var nú ljóta prófið... maður minn lifandi.. en við birna rebekka vorum alveg sammála um það að það væri betra að falla heldur en að slefa í gegn með fimm, því þá fær maður tækifæri til að gera þetta almennilega... svo nú er bara taka aðeins til... hvíla lúin bein... og byrja svo að læra fyrir næsta próf sem er á föstudaginn (25) eins gott að ná því svo eg þurfi ekki að taka þau bæði aftur...

en þar sem ég var búin að kaupa mér verðlaunin fyrir góða frammistöðu þá verð ég að fá alveg súpergott næst :D ekki fer ég að skila flugmiðanum þó ég falli... kommon..

ég er komin með rasssæri... og af hverju stafar það... jú ég er búin að sitja límd yfir tölvunni við að læra alla fokkings helgina.. var upp á akranesi alla helgina, og það var mér til happs að ég fékk fjögur útköll... sem urðu þess valdandi að ég þurfti að standa fjórum sinnum upp og fara út. annars væri ég vafalaust ekki bara með rasssæri heldur legusár. til að verðlauna mig, þá keypti ég mér miða til minneapolis. en ástæðan fyrir þessum maraþon lærdóm er prófið sem er núna eftir nokkra klst. ég auðvitað get ekki sofið frekar en fyrridaginn (kemur prófinu ekkert við) en elskurnar mínar... hugsið fallega til mín milli níu og tólf (má alveg vera lengur sko).. ég er ekkert voðalega bjartsýn með árangurinn af þessu prófi :|