svíþjóð - föstudagur

þá er ég búin að fara á sænska leiksýningu. skildi svona eitt og eitt orð á stangli, allavega nóg til að ná söguþræðinum, og gat hlegið hátt og snjallt af sumum bröndurunum. en tónlistin klikkaði ekki. það var verst að fá ekki að syngja og dilla sér með. við fórum sumsé að sjá mamma mia. ég hafði mjög gaman af þessu, en hehehe einhverjir drengir sofnuðu og/eða dottuðu á sýningunni.

eftir á fengum við okkur sjávarréttahlaðborð á veitingastað tengdum leikhúsinu, og var það bara besta mál. vorum þar þangað til að búið var að loka kl tólf... þá lá leiðin á hótelið. fórum upp á herbergi til didda og frú en eftir að hafa setið þar og spjallað smá stund... ok það var svo sem hlegið líka, þá var hringt og kvartað yfir okkur.. þannig að nú er ég bara komin upp í rúm. ég er reyndar með held ég bara stærsta herbergið af okkur öllum hehehe... veit ekki hvað smári hélt að ég ætlaði eiginlega að vera að gera hérna um helgina. það er auðvitað king size hjónarúm, tveir hægindastólar, sjónvarp, minibar, og fullt af gólfplássi. alveg hægt að láta fara vel um sig hérna.

siggi rúnar kom til mín áðan og sagðist hafa fundið búð með fullt af jólavöru, þannig að verkefni morgundagsins hjá mér er að finna þessa búð. og ég náði að kaupa fyrstu jólagjöfina hér í svíþjóð.... jeyyyy jólin jólin jólin koma brátt.... (með sínu lagi).

en sumsé nú ligg ég hér og get ekki annað. langar ekki að fara að sofa... vildi bara að ég hefði félagsskap. synd að láta allar þessar osrtur fara til spillis.

jæja best að gá hvað er í sjónvarpinu...
vi ses

komin út - hvar er bjórinn :P

jæja, ég sit í augnablikinu í flugvél og stefnan er tekin á stokkhólm. þeir sem mig þekkja, vita sem svo að ég skil aldrei tölvuna við mig lengi, svo það er um að gera að nota tímann. ég ætlaði reyndar að vinna á leiðinni, klára að skrifa abstract, en ég hugsaði málið ekki alveg alla leið, og tókst að gleyma að downloada tölvupóstinum mínum áður en ég lagði af stað, svo ég get ekki klárað skjalið.... en ég geri það þá bara á eftir :D

ég fór með strákunum á mýrina, og var bara nokkuð ánægð með hana. það voru margir góðir punktar í henni, meinfyndin á köflum, og bara hin mesta skemmtun. get alveg mælt með henni. ég hef aldrei verið neitt mikið fyrir að eltast við þessar íslensku myndir, því ég sé ofsjónum yfir því hvað kostar á þær. ég hins vegar lét mig hafa það í þetta skiptið og sé ekki eftir því.

ég hef aldrei lent við hliðina á svona málglaðri persónu í flugi áður.... hún hefur ekki stoppað síðan við settusmt niður, og ég veit nú meira en góðu hófi gegnir um hennar hagi. en mikið verður hún bylgja mín ánægð að heyra það, að ég sé að spjalla við sessunautinn. hún hefur nefnilega reynt að setja mér fyrir verkefni þegar ég hef verið að ferðast, til að fá mig til að mingla við fólk. mér fer mikið fram, en boj ó boj öllu má nú ofgera ég segi nú ekki annað.

en byrjunin á ferðinni lofar góðu. allir rafernir og makar mættir á svæðið, og smári þessi elska búin að útbúa heila bók sem hann afhenti öllum. og hvað er í bókinni..... jú, á forsíðunni er andlitsmynd af öllum árshátiðargestum, og svo eru fleiri fleiri blaðsíður með upplýsingum um verslanir í stokkhólmi hehehehe. verst að ég er ekki með þetta hérna í sætinu mínu, hefði getað gluggað í þetta svona fyrst ég næ ekki að vinna.

en hvað um það.... kannski ég reyni bara að fá mér kríu. verður örugglega ekki gert neitt rosalega mikið af því að sofa um helgina. ætti nú bara að fá mér bjór svona í tilefni dagsins.... hummmm geri það á eftir...

jón jónsson lést í dag
áttatíu og fimm ára að aldri
þeir deyja ungir sem guðirnir elska.....

þetta er búið að glymja í höfðinu á mér í nokkra daga núna... og það er allt skúla að kenna. að vísu var björn jörundur með apaspil í harðri samkeppni í gær og fyrradag, en sverrir stormsker hefur alltaf vinninginn aftur...

mig langar að hafa skemmtilegri lög á heilanum :|

elsku bylgja mín, hvernig dettur þér það í hug. nei ég er strax farin að sakna ykkar, og með kviðahnút í maganum. ég er bara að reyna að yfirgnæfa hann með að láta mig hlakka til :D

ég er búin að fá senda dagskrá helgarinnar. þetta hljómar bara vel sýnist mér. ég var að senda fyrirspurn á sænsku rafernina hvort það sé ekki til jólabúð í stokkhólmi. ég verð auðvitað að fara og skoða hana ef hún er til. aldrei að vita nema ég myndi detta um einhverjar nýjar hugmyndir fyrir búðina.

talandi um búðina... við erum enn á fullu að taka upp nýjar vörur. fengum sendinguna frá krebs í dag. að vísu urðum við fyrir smá vonbrigðum, því þessu var pakkað alveg með eindæmum heimskulega inn, þannig að það var mjög mikið af brotnum kúlum. maður fær nú bara tár í augun að sjá þetta allt saman. ekki mikið á milli eyrnanna á þeim sem pökkuðu á brettið það er morgunljóst.

ég á þvílíka snilldarsyni. hann arnar er orðin þvílíkt flottur í lestrinum. romsar upp úr sér allskyns orðum. rosa góður, enda sonur minn :D :D :D

við semsagt sátum hérna heima áðan og vorum að læra heima, arnar að lesa og ágúst að læra fyrir enskupróf, og nú er hann björn sævar í heimsókn hjá mér, að læra fyrir stærðfræði próf....
en af einhverjum undarlegum ástæðum þá nenni ég ekki að læra... úffff

ég á eftir að mæta fimm sinnum í vinnuna í hjartavernd :P