bjartari dagar

hafið þið tekið eftir því hvað það er farið að birta úti. strákarnir þurfa ekki lengur að labba í svarta myrkri í skólann, og það er orðið erfiðara að sannfæra þá um að það sé að koma kvöld.

læknastúss

ég eyddi deginum í læknastúss öfugu megin við borðið í þetta skiptið. eitthvað verið að reyna að flikka upp á mig. viðtal, blóðprufur, sneiðmynd, og svo meira fjör á næsta mánudag. þá er bara að krossa fingur og vona að það sé í lagi með kellinguna, þá meina ég líkamlega... það er náttúrulega löngu vitað að ég er rugluð í hausnum.

véfrétt

ég talaði við bylgju í dag og hún sagði að ég bloggaði eins og véfrétt. ok ekki var það nú alveg véfrétt heldur tarrotspil.... æj það er á einhverri síðu hægt að draga sér spil og þetta semsagt stóð á spilinu sem ég dró.

annars er allt hér bara the same old shi....

Gakktu inn í hið óþekkta af frjálsum vilja sem sýnir hverja stund lífs þíns sem áhugavert ævintýri þar sem þú leikur aðalhlutverkið af alúð. Óvissa framtíðar er jákvæð því hið þekkta sýnir aðeins fortíð þína.

partý - óléttur - ofl

hún gyða útskrifaðist sem master í heilbrigðisvísindum í gær, og bauð kristján til veislu í tilefni þessa. þetta var auðvitað hin besta skemmtun og þakka ég fyrir boðið. til hamingju enn og aftur gyða.

annars var partý líka hérna í íbúðinni við hliðina á mér, og það ekki í fyrsta skiptið. kl hálf fjögur yfirgaf það fólk loksins staðinn og þá var hægt að fara að reyna að sofa. þvílíkur dómsdags hávaði.

mig er búið að dreyma þrisvar núna með stuttu millibili að ég sé ófrísk. hvað ætli það þýði? það var að vísu ógurlegt vesen á þessum draumförum mínum í nótt. enda vaknaði ég á klukkutíma fresti, alltaf jafn fúl í hvert skipti yfir því að vakna. en þess á milli náði ég að aðstoða konu sem var komin með hríðar, hringdi á sjúkrabil fyrir hana, en þá kom einhver læknir og var að gera einhver test á mér og þá kom í ljós að einhver annar hafði gert mistök og ég væri víst ófrísk og það væri strákur (sást á einhverjum strimli... ógeðslega tæknilegt sko). ég hitti líka fólk sem ég hef ekki séð lengi og var á stöðugum þeytingi alla nóttina. það er ekkert skrítið þó maður sé þreyttur eftir svona brölt.