.comment-link {margin-left:.6em;}

í dagsins önn...........

hugleiðingar mínar

föstudagur, nóvember 10, 2006

lasin

æjh mig auma. ég er svooo slöpp. ég er hrædd um að ágúst hafi gefið mér einhverja anga af þessari gubbupest sem hann var með í vikunni...oj...

annars fór ég til hemma í gærkvöldi, í tilefni þess að hann er að yfirgefa landið í dag, þeas ef veðrið lægir. það er nú þegar búið að fresta öllu flugi vegna veðurs. þeir mega nú eiga það þarna hjá icelandair að mér fannst mjög klókt hjá þeim að vera búnir að gefa það út strax í gærkvöldi að það yrði seinkun á flugi í dag. þannig að fólk var ekki að rjúka út á völl alltof snemma. þeir fá prik fyrir það.

en nú er sumsé bara legið upp í rúmi með tölvuna, og unnið eftir bestu getu. verð nú að hrista þetta af mér á eftir... þetta gengur ekki svona...

miðvikudagur, nóvember 08, 2006

æfing 2

ég var löglega afsökuð fyrir að fara ekki á æfingu í morgun. ég var búin að hafa mig til í gærkvöldi, staulaðist um íbúðina við að setja alla hluti á auðfinnanlega staði svo ég yrði nú ekki of sein... og viti menn... kl tvö í nótt þá byrjaði ágúst að æla. svo það var dottað af og til en lítið sofið. hann hefur nú ekkert gert síðan sex í morgun svo vonandi er þetta búið. ég held að líkaminn hafi nú ekkert haft á móti því að fá að hvíla sig aðeins lengur áður en ný æfing væri tekin, og hann fékk þarna óvænta aðstoð við það :o)

þriðjudagur, nóvember 07, 2006

harðsperrur dauðans

það sem ég læt ekki hafa mig út í.... úff.... bara að hafa það hérna skriflegt að ef að ég lifi ekki af næstu vikurnar... þá skrifast það alfarið á róbert orra og bara svo þið fylgið því eftir fyrir mig, þá er hann buin að lofa að borða jólasveinahúfu (hafið hana stóra) ef ég hef það ekki af.

í augnablikinu ég get ekki hreyft mig.... handleggir, fótleggir, bakið, brjóstvöðvar.... djísuss fokking kræst.... held ég liggi bara í rúminu í dag, rétt náði að koma strákunum í skólann. en aftur á morgun :P

mér er sagt ég verði há og grönn og æðisleg. ok kannski bætti ég þessu með hæðina inn sjálf, en það hljómar bara betur, langar að vera há og grönn og falleg. held samt að gretturnar á andlitinu á mér í dag þegar ég hreyfi mig séu nú frekar til þess fallnar að búa til ótímabærar hrukkur á andlitið á mér frekar en að fegra það eitthvað.

heyrumst síðar elskurnar mínar.... (og ef ekki þá munið þið að láta róbert borða húfuna..)