.comment-link {margin-left:.6em;}

í dagsins önn...........

hugleiðingar mínar

fimmtudagur, september 27, 2007

draumfarir

mig hefur dreymt alveg ótrúlega drauma undanfarnar nætur. sumir eru þess eðlis að maður fer að efast mjög um geðheilsuna. t.d. dreymdi mig um daginn að ég var að ýta móbíl (færanlegt röntgentæki níðþungur andsk...) upp eiríksgötuna því ég þurfti að koma honum á milli húsa. þegar því var lokið og ég nærri dauð eftir átökin, þá þurfti ég að aðstoða einhvern kall sem var í rannsókn, og til að gera langa sögu stutta þá meig hann yfir mig alla :(

í nótt hinsvegar þá var forseti vor í öllu sínu veldi að hjálpa mér að gera skattaskýrsluna mína, ég fór líka í tölvusneiðmynd og þar uppgötvuðust tveir nýrnasteinar í mér, og ég skoðaði eina íbúð á 8. hæð og var búin að ákveða að kaupa hana þegar ég vaknaði.

er eitthvað undarlegt þó maður sé þreyttur þegar maður vaknar, tjahh ég bara spyr.

þriðjudagur, september 25, 2007

jæja nú er síðasti dagur simulatorsins að renna í gegn. á morgun verður byrjað að breyta og bæta og undirbúa fyrir komu nýs tækis. fyrst þarf að styrkja gólfið og svo þarf að brjóta það upp, og svo þarf að bæta eitthvað. ferlið tekur litlar sex vikur, þannig að það verður ekki hefðbundin vinna hjá mér á meðan, en vafalaust verður nú eitthvað skemmtilegt haft fyrir stafni í vinnutímanum.

annars auglýsi ég eftir aukavinnu ef það er einhver sem veit um vel launaða vinnu sem hægt er að vinna á þeim tímum sem hentar mér þá endilega láta mig vita.

annars hefur ritstífla hrjáð mig. björninn minn komin með bílpróf þessi elska. held ég hafi fengið eina eða tvær hrukkur við að uppgötva hvað hann er orðinn gamall. jeminnn