.comment-link {margin-left:.6em;}

í dagsins önn...........

hugleiðingar mínar

sunnudagur, júlí 30, 2006

dagur 8

jæja þá er komin tími til að tygja sig heim á leið. eitthvað hafði nú töskunum fjölgað en sem betur fer þá gátum við geymt þær á hótelinu meðan við drápum tímann fram að flugi. og hvernig drápum við hann... jú við fórum að versla. :S ég hafði ekkert farið í bhs þannig að mig langaði að kíkja þangað inn og viti menn... þar gat ég keypt eitthvað af fötum bæði á strákana og sjálfa mig. þannig að ég gat farið sátt heim :)

við tókum okkur leigubíl á liverpool station, því við gátum ekki með nokkru móti hugsað okkur að druslast með allan þennan farangur í undergroundinu. það voru frekar þreyttir ferðalangar sem komu heim til sín eftir miðnætti... eftir annars vel heppnaða ferð.

dagur 7

í dag var verslunardagur. oxford street var þrammað aftur á bak og áfram. ég og strákarnir vorum auðvitað ekki alltaf sammála um hvað átti að skoða. og var þolinmæði þeirra gagnvart kvenfatnaði eitthvað takmörkuð. þannig að það var bara keypt strákaföt og dót, jú og ferðataska... því einhvern vegin þurftum við að koma öllu dótinu til íslands.

við fórum svo aftur niður á piccadilly circus, inn í lillywhites og versluðum þar íþróttaföt þar til versluninni var lokað og okkur var hent út. hehe en það var fyndið. ég og arnar fórum saman á þriðju hæð til að fá taxfree og þau hin fóru bara út að bíða eftir okkur á meðan. við vorum einu kúnnarnir á hæðinni.... og svo eitthvað af starfsfólki og öryggisvörðum... svo heyri ég sagt í talstöð... yes... two more here... og svo þegar við vorum búin að ganga frá okkar málum og töltum af stað út... þá heyrðist.... "the mother and the child are on their way out". hehe maður var bara komin í 24 fíling þarna.

eftir verslunarferðina vorum við orðin frekar svöng svo við fórum á planet hollywood að borða. arnar tilkynnti eftir smá bið að hann ætlaði sko aldrei að fara á þennan veitingastað aftur þeir væru svo lengi að koma með matinn. það var auðvitað langt liðið á kvöldið... og hann gerðist alltaf þreyttari og þreyttari.... en hehe svo toppaði hann þetta allt þegar hann sagði: "hver nennir eiginlega að troða mér inn í mömmu mína aftur??!!!!????" ég hélt við yrðum ekki eldri við hlógum svo mikið... þvílík þreyta.... og ég fölnaði bara upp við tilhugsunina... átti nú alveg nóg með sjálfa mig í öllum þessum hita...

dagur 6

í dag dró til tíðinda í ferðalaginu okkar. við tókum daginn alveg extra snemma og pökkuðum dótinu okkar niður. sigga tölti hérna um götuna og fann handa okkur aðra gistingu. ástæðan var sú að við vorum að deila herbergjum með animölum sem flokkast að okkar mati ekki undir skemmtilegan félagsskap, þó við séum með einsdæmum umburðarlyndar. fengum þetta líka fína hótel og strunsuðum að flutningum loknum fórum við í london eye. eitthvað leist arnari ekki alveg á þetta ferlíki, en lét sig nú hafa það samt. næst lá leið okkar í jólabúðina. iss... okkar búð er nú mikið flottari en þessi... huh... um kvöldið fórum við svo að sjá lion king á sviði. það var alveg rosalega gaman. gaman að sjá hvernig þeir útfæra öll dýrin og svo auðvitað stóðst maður ekki freistinguna og varð að humma með sumum lögunum... en það er allt í lagi. konan sem sat við hliðina á mér hún söng hástöfum hehe ég lét mér nægja að humma. hitinn var auðvitað alveg skelfilegur þarna inni... omg... ég hélt ég myndi bráðna ofan í sætið. en... ég mæli sumsé með þessari sýningu við þá sem eiga leið þarna um. arnar var orðin alveg svakalega þreyttur þegar sýningin var búin. hann endaði með að sofna í fanginu á mér, í strætónum á leiðinni heim þetta grey. en humm ég hefði líka sofnað af einhver hefði setið undir mér og leyft mér að kúra.